Firma e konsulencës, Interbrand, ka publikuar katalogun e saj më të fundit të markave më të vlerësuara botërisht. Apple, Google, Microsoft dhe IBM vijojnë të jenë në krye të kësaj liste për të paktën 5 vitet e fundit.
Apple dhe Google qëndrojnë në krye, në vendin e parë dhe të dytë respektivisht, për të tretin vit me radhë. Markat e tjera teknologjike që ndjekin janë: Microsoft (#4), IBM (#5), Samsung (#7), Amazon (#10), Intel (#14), Cisco (#15), Oracle (#16), HP (#18), Facebook (#23), eBay (#32), PayPal (#97) dhe Lenovo (#100).
Në listën e 100 markave më të vlerësuara, 28 janë kompani teknologjike. Asnjë industri tjetër nuk ka një prezencë të lartë në këtë klasifikim.
Rrjeti social Facebook pati rritjen më të fuqishme duke kaluar nga pozicioni i #29 në #23 falë rritjes të vlerës së markës me 54 %. Ndërsa PayPal dhe Lenovo u shfaqën për herë të parë brenda listës së 100 kompanive më të vlerësuara.
Gjigandi kinez i e-commerce, Alibaba, nuk është përfshirë në këtë listë. Kanë kaluar mëse 16 vite që kur Interbrand analizon markat më të vlerësuara në botë. Kjo analizë përqendrohet në tre komponentë: performanca fiskale, qëndrimi i konsumatorit si dhe aftësitë konkurruese në treg. (PCWorld Albanian).
Burimi: pcworld.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English