Aplikacioni që gjurmon covid me smartwach dhe byzylyk fitnesi në Gjermani


Instituti Robert Kock, enti publik gjerman i specializuar në sëmundjet infektive dhe që po administron pandeminë e coronavirusit në Gjermani ka lancuar një App për të regjistruar dhe mbledhur informacion dhe për të përcaktuar me një saktësi më të madhe ku dhe sa shpejt shpërndahet coronavirusi në Gjermani.

App, i quajtur “Corona Data Donation” për të treguar se flitet për “dhurimin” e të dhënave personale kërkimit shkencor, mund të shkarkohet falas nga iOS e Android. Ai funksionon vetëm nëse lidhet me byzylykë fitness dhe smartwatch me modalitetin fitness, që regjistrojnë rrahjet e zemrës gjatë pushimit dhe aktivitetit fizik dhe në disa raste edhe temperaturën e trupit.

App për rrahjet e zemrës dhe temperaturën

Mbledhja e këtyre informacioneve është e rëndësishme pasi frekuenca kardiake në disa faza të coronavirusit ndryshon në mënyrë domethënëse. Edhe temperatura, simtomë tipike e Covid-19, mund të matet me këtë App kur lidhet me pajisje të veçanta fitness në smartwatch dhe byzylykë.

App me dhurim vullnetar dhe anonim

Përdorimi i këtij aplikacioni është me bazë vullnetare dhe ruhet privatësia. Instituti nuk kërkon informacione personale si emër, mbiemër, apo adresë të përdoruesit. Gjithsesi kërkohet kodi postar dhe disa të dhëna personale si seksi, mosha, gjatësia, pesha. Të dhënat mblidhen me përafërsi në diferencën 5 kilogramë dhe 5 centimetër.

App për të identifikuar hotspot

Aplikacioni nuk përdoret për të gjurmuar individët, por shërben për të “identifikuar më mirë hotspot-et e infeksioneve dhe ndihmon për një efikasitet më të mirë në matjen dhe luftimin e Covid 19.

Sa më shumë njerëz ta përdorin, aq më mirë është. Prof. Lothar H. Wieler, drejtor i institutit ka theksuar se, “aplikacionet digjitale mund të integrojnë në mënyrë të dobishme masat e adaptuara deri më tani për të frenuar COVID-19. Duam që shumë njerëz të përfshihen në këtë”.

Duke mbështetur aplikacionin përmes leximit të të dhënave, përdoruesi i lejon institutit të mbledhë informacione. Të dhënat përpunohen nga instituti shkencor dhe integrohen në një hartë që tregon shpërndarjen rajonale të personave potencialisht të infektuar deri në nivelin e kodit postar. Harta përditësohet rregullisht dhe publikohet tek www.corona-datenspende.de.

App ndihmojnë në luftimin e epidemisë

“Nëse numri i pacientëve simtomatikë të regjistruar përbën një kampion relativisht të madh, kjo mund të na ndihmojë për të nxjerrë përfundime së pari mbi ngjarjet e infeksioneve, shpërndarjen dhe efikasitetin e masave të marra deri tani”, ka komentuar prof. Wieler, drejtor i RKI, duke theksuar se si në SHBA,mbledhja e informacioneve të ngjashme bazuar në të dhënat e siguruara nga smartwatch e byzylykë fitness kanë qenë të vlefshme në identifikimin e valëve gripale.

ilsole24ore

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale