Anthropic sapo ka njoftuar planet për të investuar 50 miliardë dollarë në forcimin e infrastrukturës kompjuterike në SHBA. Si pjesë e kësaj iniciative, kompania po bashkëpunon me platformën cloud të AI, Fluidstack, për të ndërtuar qendra të reja të dhënash në Teksas dhe Nju Jork, “me lokacione të tjera që do të pasojnë.”
Sipas Anthropic, qendrat e para të të dhënave do të hyjnë në funksion gjatë vitit 2026 dhe pritet të krijojnë rreth 800 vende pune. “Ky investim do të ndihmojë në avancimin e objektivave të Planit të Veprimit për AI të administratës Trump, për të ruajtur lidershipin amerikan në fushën e inteligjencës artificiale dhe për të forcuar infrastrukturën teknologjike vendase,” thuhet në njoftimin për shtyp.
Lexo edhe: Sa fitojnë shteti dhe biznesi nga paketa fiskale
Anthropic nuk është e vetmja kompani AI që po investon miliarda në ndërtimin e qendrave të të dhënave. OpenAI dhe SoftBank njoftuan në janar projektin gjigant “Stargate”, me vlerë 500 miliardë dollarë, që do të ndërtojë një seri qendrash të dhënash në të gjithë SHBA-në, duke filluar nga Teksasi. Edhe Meta ka shpallur një angazhim prej 600 miliardë dollarësh për investime në infrastrukturë dhe qendra të të dhënave në SHBA.
Anthropic thotë se përmasa e këtij investimi “është e domosdoshme për të përmbushur kërkesën në rritje” për chatbot-in e saj AI, Claude, duke i mundësuar njëkohësisht kompanisë të mbajë kërkimin e saj “në vijën e parë të teknologjisë.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
