Të mërkurën në orën 23:00, sipas kohës lokale të Teksasit, një raketë Starship e kompanisë SpaceX, themeluar nga Elon Musk, pësoi një “anomali të madhe” gjatë një testi në platformën e Starbase, duke shpërthyer dhe shkaktuar një zjarr të madh në qiell.
SpaceX njoftoi se gjatë gjithë operacionit u ruajt një zonë e sigurisë përreth vendit të testimit, dhe se i gjithë personeli ndodhet në gjendje të mirë shëndetësore.
Në një deklaratë të publikuar në rrjetin social X, kompania bëri thirrje që banorët lokalë të mos i afrohen zonës së incidentit, duke garantuar se nuk ka rreziqe për komunitetet përreth.
Po ashtu, SpaceX po bashkëpunon ngushtë me autoritetet lokale për të menaxhuar situatën dhe për të dhënë përgjigje ndaj këtij incidenti.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
