Ditë e jashtëzakonshme për Znj. Ambasadore të Suedisë Znj. Elsa Hastad, e cila zgjodhi Kanionet e Osumit për të festuar ditëlindjen e bashkëshortit të saj Z. Kristoffer Leandoer bashkë me miq dhe skuadrën e Albania Rafting Group.
Ajo së bashku me Kristoffer, u mahnitën nga bukuria unike e Kanioneve, duke i dhuruar njëri-tjetrit puthje nën ujëvarën e dashurisë së përjetshme.
Ajo u shpreh se: Të jesh në kanionet e Osumit është si të jesh në një ëndërr shumë të bukur! Ato janë mahnitëse dhe shumë unike. Zoti ka bërë një punë të jashtëzakonshme duke krijuar këtë Kanion spektakolar, plot ujëvara. Jemi shumë krenarë për skuadrën e Albania Rafting, që falë punës së tyre prej 22 vitesh në turizmin e aventurës dhe natyrës kanë ngritur një zinxhir bashkëpunimi me të gjithë guidat vendase dhe bizneset lokale të zones, duke sjellë zhvillim ekonomik dhe mbrojtjen e natyrës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
