Oferta e Music Unlimited u rrit me 1 $, duke filluar nga 5 Maji.
Duket se ka më shumë lajme të këqija për anëtarët e Amazon Prime. Rritja e fundit e çmimit të shërbimit e bën anëtarësimin në “Prime” praktikisht të padobishëm, kur bëhet fjalë për Amazon Music.
Amazon ndau se do të rriste çmimin për planin e tij Amazon Music Unlimited nga 7,99 dollarë në 8,99 dollarë për anëtarët e “Prime”, si dhe do të rriste çmimin e një abonimi “Single Device” (qoftë një Amazon Echo ose Fire TV) me 1 dollarë nga 3,99 dollarë në 4,99 dollarë.
Më e rëndësishmja, çmimet për anëtarët jo-Prime do të mbeten në 9,99 dollarë, që do të thotë se anëtarët e Prime tani marrin vetëm një zbritje prej 1 dollarësh në shërbimin muzikor të pakufizuar.
Lexoni: Si të shpëtojmë Amazonën nga shkatërrimi? Sipërmarrësi mendon se zgjidhja është NFT-ja
Ata që aktualisht përdorin shërbimin si pjesë e një periudhe prove ose oferte promocionale do të jenë ende në gjendje të mbajnë zbritjen për të cilën janë regjistruar. “Pasi të përfundojë ajo periudhë”, tha Amazon në një deklaratë, “ne do të respektojmë çmimin origjinal të abonimit plus taksat e zbatueshme për një cikël faturimi. Çmimi i ri plus taksat e aplikueshme do të hyjë në fuqi në faturë pas kësaj.”
Kjo rritje e fundit e çmimeve vjen pas rritjeve të shkurtit për anëtarësimet në Prime Vjetore, të cilat u rritën nga 119 dollarë në 139 dollarë, ndërsa abonimet mujore u rritën nga 12,99 dollarë në 14,99 dollarë. Kjo ishte hera e parë që rritej një shërbim që nga viti 2018.
Duhet thënë se çmimet e reja vjetore të Amazon Music për anëtarët Prime janë ende konkurruese në lidhje me gjigantët e tjerë të transmetimit. Spotify Premium (i cili lejon akses të pakufizuar dhe pa reklama në të gjitha libraritë) ofron muajin e parë falas për abonentët përpara se të paguajnë një tarifë mujore prej 9,99 dollarësh për shërbimin. Ekuivalenti në Apple Music, i quajtur plani Individual, ka gjithashtu një tarifë mujore prej 9,99 dollarë.
Amazon Music Unlimited krenohet me çmimin më të lirë për transmetimin e muzikës së pakufizuar për anëtarët e Prime, por nëse muzika është arsyeja kryesore që ju jeni regjistruar për një anëtarësim në Prime, mund të mos ia vlejë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
