Amazon do ofrojë një ndërfaqe si TikTok për të blerë produktet e reja - Business Magazine Albania

Amazon do ofrojë një ndërfaqe si TikTok për të blerë produktet e reja

Amazon.com ka nisur një shërbim të stilit TikTok që do t’i lejojë blerësit të blejnë mallra nga “muri”(feed) i tyre personal i kuruar me fotografi dhe video.

Kompania më e madhe në botë e tregtisë elektronike të enjten tha se funksioni i ri, i quajtur “Inspire”, do të shpërndahet për klientët e zgjedhur amerikanë në fillim të dhjetorit dhe do të bëhet kombëtar në muajt e ardhshëm.

“Me vetëm disa prekje, klientët mund të zbulojnë produkte të reja ose të marrin frymëzim se çfarë të blejnë, të gjitha të përshtatura për interesat e tyre, dhe më pas t’i blejnë ato artikuj në Amazon,” tha Oliver Messenger, drejtori i Amazon Shopping.

Lexo edhe: Amazon, kompania e parë publike që humbet 1 trilion dollar në vlerë tregu

Amazon, e cila ka përdorur prej kohësh imazhe dhe përshkrime statike të produkteve për të krijuar një katalog uniform, është përpjekur t’ua bëjë më të lehtë blerësve zbulimin e produkteve sesa thjesht të kërkojnë artikuj të veçantë. Pavarësisht këtyre përpjekjeve, shumica e klientëve nuk qëndrojnë në tregun e përhapur në internet. Më shumë se një në katër blerje në Amazon zgjasin tre minuta ose më pak.

E ashtuquajtura tregti sociale ka qenë prej kohësh e njohur në Kinë, por ka qenë e ngadaltë për t’u ndjekur si trend në SHBA. Megjithatë, me TikTok që ka hyrë në tregtinë elektronike, Amazon, Google e Alphabet dhe Facebook dhe Instagram i Meta Platforms kanë shtuar veçori të blerjeve sociale në shërbimet e tyre. / Bloomberg 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0