Ajo ka dalluar me punimet e saj për stilin autentik, cilësinë dhe finesën e jashtëzakonshme që në daljen e parë publike. Madje edhe para së të ncjerrë në sfilatën e parë punimet, një shtysë dhe motivim për të ishte vlerësimi që merr nga fotografi i shquar Fadil Berisha, gjatë fotografimit të koleksionit të parë të veshjeve. Flasim për stilisten Alisa Dudaj dhe brandin e saj të veshjeve ALISA DUDAJ.
Vajza shqiptare që ka studiuar në një nga shkollat më të mira në botë të modës, Parson, ka korrur së fundi sukesi, në qytetin me konkurencën më të lartë në botë, në New York.
Veshjet e frymëzuara nga motivet shqiptare tradicionale dalluan për veçantinë e tyre dhe tërhoqën vëmendjen e audiencës, ndërsa prezantoheshin në pasarelat e Neë York.
Stilista thote se, “U përpoqa të sillja një frymë të re në veshjet moderne, bazuar në traditën shqiptare. Shumë prej copave janë realizuar me teknika shumë inovative dhe të parealizuara më parë, të punuara nga unë me dorë. Por, disa veshje u realizuan me ndihmën e artizanëve shqiptarë”.
Alisa duket se është vetëm në nisjen e karrierës së saj ndërkombëtare. Ajo dalloi në kompeticionin e zhvilluar në Tiranë, “Muza Competition” me pasionin për fashion, stilin e veçantë dhe dashurinë e madhe për punën. Alisa u shpall fituese e këtij kompeticioni dhe fitoi vëmendjen e Businessmag.al, duke fituar kopertinën e numrit të revistës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
