Qyteti Shkencor i Marsit apo “Mars Science City” është një projekt i planifikuar për zhvillimin e teknologjisë rreth qëllimit afatgjatë për kolonizimin e planetit Mars. Kjo hapësirë do të ndërtohet në një shkretëtirë jashtë Dubait.
Arkitektët e Bjarke Ingels Group (BIG) kanë hartuar një prototip të një qyteti për njerëzit që të jetojnë në Mars dhe më pas kanë përshtatur projektin për shkretëtirën e Emirateve.
Projekti përbëhet nga biodome, secila e mbuluar me një membranë transparente polietileni.
Në Mars, ndërtesat do të bëheshin nën kube 3D, duke përdorur tokën marsiane. Ndërsa në Tokë, në vend të saj mund të përdoret rëra e shkretëtirës.
Dizajni përmban drita të ndriçuara të mbushura me ujë, të cilat në Mars do të mbrojnë banorët nga rrezatimi, ndërsa do të lejojnë dritën të hyjë në dhoma.
Dizajni i BIG për Qytetin Shkencor në Tokë, do të përbëhet nga zona për hulumtime se si mund të jetohet në Mars, duke përfshirë edhe rritjen e ushqimit brenda hapësirave të mbyllura.
Përveç kësaj, qyteti përfshin edhe një hapësirë për ekspozitë.
Pas kësaj iniciative është Qendra Hapësinore Mohamed Bin Rashid (MBRSC) në Dubai. Ata thonë se “Mars Science City” si projekt, është ende në fazën fillestare dhe se nuk është vendosur përfundimisht një dizajn apo arkitekt për ndërtimin përfundimtar të qytetit.
MBRSC, këtë verë do të nisë edhe një sondë për në Mars (foto), e cila do të arrijë në Planetin e Kuq në Shkurt të vitit 2021.
Nisja është planifikuar të bëhet brenda periudhës dy vjeçare, atëherë kur Toka dhe Marsi janë më afër së bashku.
Në vitin 2019, Majori Hazzaa AlMansoori u bë astronauti i parë nga Emiratet e Bashkuara që udhëtoi në Stacionin Ndërkombëtar të Hapësirës. /CNN
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
