Një atlet spanjoll po duartrokitet në mediat sociale pasi ai sakrifikoi një fitore të nivelit të lartë në Triathlon Santander 2020 për t’ia dhënë një konkurrenti, që mori një kthesë të gabuar gjatë garës.
Atleti britanik James Teagle ishte në rrugën e duhur për të fituar vendin e tretë në konkurs në Spanjë fundjavën e kaluar, por bëri një gabim disa metra nga fundi i garës. Diego Méntrida e parakaloi atë, por vuri re gabimin dhe u ndal për të lejuar Teagle të kalonte i pari. “Ai e meritonte atë,” tha Méntrida më vonë.
Gara u zhvillua në 13 Shtator, por pamjet nga gara janë përhapur në mediat sociale këto ditë, pasi shumë njerëz po e përgëzojnë 21-vjeçarin Méntrida për gjestin e tij.
https://www.instagram.com/tv/CFSHt0DCjvn/?utm_source=ig_embed
Méntrida u vlerësua me vend të tretë nderi nga organizatorët dhe mori të njëjtat para, (300 Euro) si Teagle, sipas gazetës Spanjolle El Mundo.
“Kjo është diçka që prindërit e mi dhe klubi im më kanë mësuar që kur isha fëmijë. Sipas mendimit tim duhet të jetë një gjë normale për të bërë,” shkroi Méntrida në Instagram, ku falënderoi ndjekësit për urimet e shumta.
Kthesa e gabuar e Teagle ndodhi më pak se 100 metra nga fundi i garës kur ai gabimisht vrapoi drejt kthesës së gabuar. “Ai nuk i vuri re shenjat ose ato ishin vendosur keq,” tha Méntrida për Eurosport, pas garës.
Méntrida kishte qenë prapa Teagle dhe e kaloi atë për të vazhduar në pjesën e fundit – por më pas ngadalësoi ritmin e tij për të lejuar që konkurrenti i tij të fitonte.
Teagle shtrëngoi duart me Méntrida në shenjë mirënjohjeje dhe shkoi drejt vijës së përfundimit.
“Kur pashë që ai e kishte humbur rrugën, unë thjesht ndalova. James e meritoi këtë medalje,” tha Méntrida për Eurosport, duke shtuar se ai do të bënte të njëjtën gjë për herë të dytë.
Fituesi i garës Javier Gomez Noya e përshkroi gjestin e tij si “më të mirin në histori”. Futbollisti Adrián San Miguel tha në Twitter se atleti demonstroi “vlerat e vërteta të sportit me një gjest të vetëm”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto