George Russell është kampioni i ri i Formula 1 virtuale. Turneu i zhvilluar në mënyrë elektronike për shkak të mungesës së garave të vërteta, ka shpallur si fitues pilotin e Williams, i cili tashmë, pas titullit në çmimet virtuale kërkon titullin në garat reale.
22-vjeçari nuk arriti të grumbullojë asnjë pikë të vetme në edicionin e shkuar të Formula 1, por në garat online ishte fantastik, ku me fitimin e garës së fundit, atë të Kanadasë, arriti të korrë 4 fitore radhazi.
“Ka qenë e shkëlqyer. Na ka argëtuar dhe na ka mbajtur në ritëm, kjo është e sigurt. Të kesh mundësi për të garuar kundër të gjithëve është një gjë e mirë. Jam i kënaqur që morëm rezultatet pozitive”, tregoi Rusell pas “titullit” virtual.
Lexoni: Norvegjia pezullon aplikacionin për ndjekjen e kontakteve COVID-19
Tashmë britaniku shkon me petkun e kampionit në sezonin e vërtetë të Formula 1 dhe rivalët duhet ta marrin seriozisht potencialin e tij. Kjo për shkak se Russell la pas tij edhe dy rivalët e tij në garat reale, Alex Albon dhe Esteban Gutierrezin. Gara e transmetuar në platformat dixhitale të Formula 1 u zhvillua në ditën kur do të ishte organizuar gara e shtyrë e Montrealit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English