Prof. Dan Shechtman, i cili ka marr çmimin “Nobel Laureate”, një profesor në Institutin e Teknologjise në Israel së bashku me Prof. Veljko Milutinovic dhe Prof. Petraq Papajorgji janë të ftuarit e ardhshëm në Startup Grind Tirana më 12 Tetor.
Paneli i diskutimit: Startup-et, ekosistemi i sipërmarrjeve.
Prof. Dan Shechtman është profesor në shkencat materiale në Institutin e Teknologjisë në shtetin e Israelit, pjesë e departamentit të Laboratorit “Ames” të energjisë në SHBA dhe profesor i shkencave materiale në Universitetin e shtetit të Iowa në SHBA.
Prof. Shechtman është vlerësuar në vitin 2011 me Çmimin Nobel në Kimi për zbulimin e “quasicrystals”*.
Prof. Shechtman është anëtar i Akademisë Kombëtare Inxhinierike në SHBA dhe në Akademinë Kombëtare të shkencave në Israel. Ai është fitues i shumë çmimeve duke përfshirë “Wolf Prize” në fizikë, “Gregori Aminoff Prize” nga Akademia e Shkencave Suedeze, “EMRS award’ etj. Që nga viti 1986 Prof. Shechtman jep mësim në klasa për sipërmarrjet teknologjike në “Technion”. Mësimet e Shechtman kanë inspiruar rreth 10.000 studentë për të zhvilluar idetë e tyre kreative për të lançuar startup-e.
Përveç Dan Shechtman, të ftuar do të jenë edhe Prof. Veljko Milutinovic nga Universiteti i Beogradit dhe Prof. Petraq Papajorgji nga Universiteti i Nëw York-ut në Tiranë.
Prof. Veljko Milutinovic është codesigner në DARPAs mikroprocesori i parë në GaAs RISC. Tani ai jep mësim në Universitetin e Beogradit në EE dhe Matematikë.
Endri Mataj, një adhurues i teknologjisë së informacionit, me diplomë MS në fushën e Telekomunikacionit në Universitetin e Syracuse në Nju Jork, është moderatori i eventit të përmuajshëm i cili padyshim do të udhëheqë edhe takimin e rradhës me Dan Shechtman.
Startup Grind është një komunitet global i startupeve i krijuar me qëllimin për të edukuar, frymëzuar dhe ndërlidhur sipërmarrësit nga e gjithë bota me njëri-tjetrin. Evenimenti organizohet në më shumë se 200 qytete dhe 85 vende në të gjithë botën ku marrin pjesë themeluesë lokalë, inovatorë, edukatorë, investitorë të suksesshëm të cilët ndajnë historitë e nisjes së biznesit dhe mësimet e mësuara në rrugën e ndërtimit të kompanive të suksesshëm. Intervistat mujore në Startup Grind me një të ftuar të fushës së biznesit dhe investimeve japin një mundësi të shkëlqyer për networking dhe vendosjen e lidhjeve afatgjata dhe të besueshme midis aktorëve pjesëmarrës në event. Duke parë impaktin pozitiv në dhënien e shembujve konkretë për të rinjtë që kanë ide dhe duan të katapultohen në botën e biznesit, BusinessMag ju fton të merrni pjesë dhe të shpalosni idetë tuaja, sugjerimet, inovacionin dhe të jeni pjesë aktive e komunitetit më të madh në vend të startupeve. Për më shumë informacione ju ftojmë të vizitoni adresën StartupGrind.com.
Nëse doni të rezervoni biletën klikoni këtu.
quasicrystals*– një përzierje e një grumbulli të rregullt të molekulave që ngjan një kristali në kushte të caktuara
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English