Sfidat dhe Menaxhimi i Riskut në Biznes

Në trajnimin 3 ditor do të zhvillohen tre module si më poshtë:

Zhvillimet në ekonominë e Shqipërisë gjatë dy dekadave të fundit. Moduli do të zhvillohet ditën e parë dhe përfshin gjithsej tre orë trajnimi.

Nga një integrim i cekët tregtar – drejt një integrimi më të thellë: Nga MSA drejt anëtarësimit europian në këndvështrimin e biznesit. Moduli do të përfshijë një diskutim mbi proceset integruese të vendit dhe do te zhvillohet gjithsej ne kater ore trajnimi.

Disa sfida lidhur me menaxhimin e rreziqeve në biznesin ndërkombëtar. Një ndër problemet specifike këtu është ai i menaxhimit të rreziqeve të kursit të këmbimit, duke e vënë këtë tematikë edhe në qendër të këtij moduli. Trajnimi do të përfshijë një total prej katër orësh.

QËLLIMI I PROGRAMIT TE TRAJNIMIT

Qëllimi i këtij moduli është të rishqyrtohen dhe një herë me një sy kritik rrugëtimi njëzetepesë vjecar dhe të kuptohen më mirë sfidat me të cilat përballet vendi qoftë në kontekstin e konkurrencës ballkanike dhe në vecanti në rrugën e integrimit europian. Trajnimi do të ketë nën fokus rëndësinë e biznesit ndërkombëtar, fuqizimit të konkurrencës globale dhe rreziqet që shoqërojnë ndërkombëtarizimin e veprimtarive ekonomike, proceset integruese etj.

KUSH MUND TË PËRFITOJË

Përfitues nga ky trainim mund të jenë administratorë dhe menaxherë të niveleve të larta të kompanive të ndryshme.

METODOLOGJIA 

Trajnimi do të zhvillohet në 3 seanca prej katër orësh, në formatin e leksioneve dhe diskutimeve në grup për cështje specifike sipas tematikës. Do të zhvillohen Case Studies për të ilustruar aspektet teorike të leksionit. Trajnimi do të jetë interaktiv dhe pjesmarrësit duhet të angazhohen në diskutime aktive për cështje që do të diskutohen.

LEKTOR: Dr. Selami Xhepa

Z. Xhepa është diplomuar në Fakultetin Ekonomik të Universitetit të Tiranës dhe ka përfunduar doktoraturën për ekonomi nga ky universitet. Aktualisht është Profesor i Asociuar i Universitetit Europian të Tiranës dhe zëvendës rektor për hulumtime dhe metodologji. Ai ka një përvojë të gjate pune në pozicione të ndryshme si në administratë dhe në komunitetin e kërkimit.

Ai ka punuar si CEO i Agjencisë për Promovimin e Investimeve të Huaja për një periudhë gjashtë vjeçare (1993-1998); këshilltar i Kryeministrit për reformat ekonomike (2005-2009) dhe më vonë si Anëtar i Parlamentit (2009-2013).

Karriera e tij akademike ka nisur menjëherë pas diplomimit si pedagog i Universitetit të Tiranës. Ai ka punuar si shef ekonomie i Bankës së Shqipërisë (1998-2002), menaxher i Kërkimeve për projektin e USAID-it, Qendrës Shqiptare për Tregtinë Ndërkombëtare (2002-2005); dhe më vonë si Dekani në Universitetin e Biznesit të Institutit Kanadez të Teknologjisë.

Selami Xhepa është autor dhe bashkautor i një numri studimesh kërkimore, monografish, artikujsh. Ai ishte i përfshirë në projekte të shumta si studiues apo konsulent, të financuara nga donatorët.

Ai është nderuar me Chevening Fellowship (me Qendrën Bradford për Zhvillim Ndërkombëtar) dhe ka patur disa pervoja trajnimi me Shkollën John Kennedy, Universitetin Purdue, Institutin e FMN etj.

Z. Xhepa është opinionist në debate publike dhe kontribues në media lidhur me reformat ekonomike dhe sociale të ndërmarra nga vendi ynë në rrugën drejt tranzicionit.

PROGRAMI:

Dita 1.

Zhvillimet në ekonominë e Shqipërisë gjatë dy dekadave të fundit.

Kjo temë do të trajtojë tema që lidhen me ekonomiksin e tranzicionit të Europës Juglindore, specifikisht:

Dilemat e privatizimit dhe ristrukturimit; liberalizimi dhe derregullimi ekonomik;

Rritja ekonomike dhe varferia; perceptimi i publikut mbi refomat e kryera (happinies,

Besimi tek demokracia dhe ekonomia e tregut;

Cilësia e rritjes ekonomike;

Kompetitiviteti i ekonomisë dhe problemet e punësimit;

Dita 2.

Nga një integrim i cekët tregtar – drejt një integrimi më të thellë: Nga MSA drejt anëtarësimit europian në këndvështrimin e biznesit.

Moduli do të përfshijë një diskutim mbi proceset integruese të vendit dhe gjatë këtij moduli trajnimi do të synojmë të realizojmë simulime të një procesi negociate tregtare nisur nga interesat individuale të anëtarëve të grupit të trajnimit.

Pjesëmarrjen në sistemin e tregtisë ndërkombëtare (OBT) dhe udhëkryqin ku ndodhet sot kjo organizatë;

Marrëveshtjet e tregtisë së lirë të Shqipërisë më vendet e rajonit dhe me vendet e BE-së;

Regjimin e sotëm tregtar të vendit dhe një analizë të profilit tregtar (tarifat për produktet bujqësore dhe jo bujqësore) të Shqipërisë dhe një krahasim me Serbinë;

Konkurrentin më të fortë të shfaqur në disa sektor të tregtisë;

Dita 3.

Disa sfida lidhur me menaxhimin e rreziqeve në biznesin ndërkombëtar.

Këtu do të trajtohen aspekte të rritjes së rëndësisë së biznesit ndërkombëtar, fuqizimit të konkurrencës globale dhe rreziqet që shoqërojnë ndërkombëtarizimin e veprimtarive ekonomike. Një ndër problemet specifike këtu është ai i menaxhimit të rreziqeve të kursit të këmbimit, duke e vënë këtë tematikë edhe në qendër të këtij moduli.

Menaxhimi i rreziqeve të kursit të këmbimit;

Si zhvillohet procesi formimit të cmimit të monedhave;

Si mund të menaxhojmë rrisqet që rrjedhin nga luhatje të tilla;

Çfarë instrumentesh janë sot të disponueshme në menaxhimin e rrisqeve;

PAGESA:

Tarifa e pjesëmarrjes në trajnim është 70 Euro, ku përfshihen të gjitha materialet e punës dhe çertifikata në fund të trajnimit.

Për tu regjistruar plotësoni formularin e aplikimit përpara datës 8 tetor 2017 në adresën e mëposhtme:

Znj.Ornela Sulce / Kordinatore Trajnimesh:

Tel: + 355 (0) 45 800 934
Cel: + 355 (0) 69 554 2443
E-mail: ornela_sulce@cci.al