Vyom Mitra është robotja e krijuar nga Agjencia Hapësinore e Indisë. Ajo do të udhëtojë në hapësirë këtë vit si pjesë e misionit hapsinor indian pa pilot. Kjo është hera e parë që India krijon një grua robot të këtij lloji.
Shkencëtarët shpresojnë se robotja do t’i ndihmojë më vonë astronautët në një mision hapësinor të administruar të quajtur ‘Gaganyaan’, i parashikuar për Dhjetorin e vitit 2021.
Dy misionet pa pilot të Isro janë parashikuar në dhjetor 2020 dhe qershor 2021.
Lexo: Sofia, gruaja me më shumë të drejta në Arabinë Saudite
Robotja Vyom, njeh dy gjuhë dhe me natyrën e saj gjysëm antropomorfe, mund të sigurojë të dhëna të vlefshme nga fluturimi i parë pa pilot. Roboti mund të kryejë gjithashtu të gjitha funksionet e ekuipazhit, duke përfshirë kontrollin e sistemeve të ndihmës mjedisore dhe të jetës.
E gatshme çdo moment që të fluturojë në hapësirë ajo tha gjatë prezantimit, “Unë mund të bëhem edhe shoqëruesja juaj, të bisedojë me astronautët, t’i njohë ata dhe t’u përgjigjem kërkesave të tyre”.
Agjencia synon që roboti të ketë një rol ndihmues në plotësimin e detyrave të astronautëve, në misionet e krijuara në të ardhmen.
Shkencëtarët e kanë krijuar në mënyrë që t’i ndihmojë astronautët të kuptojnë më mirë impaktin e udhëtimit hapësinor tek njerëzit dhe të stimulojë detyrat e një astronauti në hapësirë.
https://youtu.be/Ddm4US8B4qI
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto