Numri i sipërmarrjeve që po përfshihet me mbështetje të konsiderueshme në rekuperimin e dëmeve të tërmetit, po shtohet. Presidenti i Grupit Balfin, Z. Samir Mane dhuroi 1.2 milionë euro për të dëmtuarit.
Kompania e ndërtimit Salillari dhe ajo e nxjerrjes së naftës Bankers dhuruan po ashtu 1 milion euro dhe 1 milion dollarë.
Më parë edhe sipërmarrësi Behxhet Pacolli dhuroi 1 milion euro dhe sipërmarrësi Shefqet Kastrati 1.5 milionë euro.
Në njoftimin e Grupit Balfin bëhet e ditur se ndihmat do të vijojnë çdo ditë. Sipas përfaqësuesve të grupit, kompanitë e Grupit Balfin, si SPAR Albania, Neptun Albania, Jumbo Albania, etj, jo vetëm të Shqipërisë, por edhe të Kosovës, Maqedonisë, Bosnjes, e kështu me radhë, që në ditën e parë, u kanë qendruar pranë banorëve të pastrehë, duke u ardhur në ndihmë me mjetet e nevojshme dhe bazën ushqimore.
Kjo mbështetje u bashkohet mbështetjes së mijëra banorëve dhe dhjetëra organizatave që po operojnë në terren me shpërndarje ushqimesh e bazë materiale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
