Ramush Haradinaj ka dhënë dorëheqje nga posti i kryeministrit të Kosovës. Në fund të mbledhjes së Qeverisë ai ka bërë të ditur se ka dhënë dorëheqje të parevokueshme.
Lidhur me arsyet e këtij vendimi Haradinaj tha se ka marrë thirrje për t’u marrë në pyetje nga Gjykata Speciale si i dyshuar.
I emocionuar, Haradinaj shprehet se nuk mund të merret në pyetje nga Gjykata Speciale përderisa mban postin e kryeministrit.
Në deklaratën e tij në Facebook ai thotë se pavarësisht dorëheqjes së tij, taksa 100% ndaj Serbisë mbetet.
“Pas kësaj dorëheqje mandatin ia kthej popullit. Ju jeni të parët që ju informoj se qeveria e vendit vazhdon të kryejë funksionet e veta pa krijuar vakum. Do t’i informoj zyrtarisht të gjitha institucionet relevante dhe do t’i mbetem gjithnjë besnik atdheut. Ishte nder t’i shërbej vendit, dorëheqja është e parevokueshme”, ka thënë ai.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
