Fondi Monetar Ndërkombëtar është më optimist për rritjen ekonomike të Shqipërisë këtët vit.
Nga 3.7% rritje të parashikuar në fillim të vitit, insitutucioni ndërkombëtar pret që rritja të shkojë në 4%. Kjo është e njëjtja normë rritje e parashikuar nga Banka Botërore. Optimizmi i tyre u shtua pas shifrave pozitive që nxori Instituti i Statistikave. Në tremujorin e dytë të vitit, sipas Instat, ekonomia jonë u rrit 4.3%.
Për vitin e ardhshëm parashikimi për rritje nga FMN ështe 3.7% (në fillim të vitit ishte 3.8%).
Investimet e reja të mëdha vijojnë të mungojnë, ndërsa po përfundojnë dy projektet që ushqyen rritjen e ekonomisë (për 3 vite) Gazsjellësi TAP dhe Hidrocentrali i Devollit.
Ashtu si qeveritë e çdo vendi, edhe institucionet ndërkombëtare bëjnë parashikime disavjeçare. Në këtë drejtim mes Qeverisë sonë dhe FMN-së ka një hendek. Pas pesë vitesh qeveria shqiptare pretendon për rritje ekonomike mbi 5% ndërsa, institucionet ndërkombëtare financiare presin që rritja të jetë më pak se 4%.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
