Këtë verë, për herë të parë nis linja e pushuesve rusë në Shqipëri përmes një charteri. Kontrata e siguruar me kompaninë turistike ruse “Tui” nga “intours”, kompania shqiptare tur operator dhe agjensi udhëtimesh
Astrit Kurti, drejtues i “inturs”, bën të ditur se tashmë është përcaktuar fluturimi i charterit të parë rus drejt Shqipërisë me 90 turistë, i cili pritet të hapë rrugën e fluturimeve të tjera të organizuara për qëllime turizmi Rusi-Shqipëri.
Pushuesit rusë i njohin kushtet e turizmit ballkanik, kryesisht përmes Malit të Zi. Fillimisht si turistë, më vonë ata edhe kanë investuar aty në pasuri të paluajtshme.
Në vendin tonë, pengesë për investime vijonë të jenë problem pronësia dhe parcelizimi i tokave. Megjithatë, me shtimin e turistëve nga vende të ftohta si Rusia, rriten shanset që operatorët turistikë në vend të punojnë përtej sezonit tremujor të verës. Pranvera dhe vjeshta në bregdetin tonë merren më shumë në konsideratë për pushime nga nordikët dhe rusët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
