Studiuesit kanë zbuluar një bakter 5,000-vjeçar në Shpellën e Akullit të Scărișoara në Rumani, i cili rezulton rezistent ndaj 10 antibiotikëve modernë nga 8 klasa të ndryshme.
Bakteri, i quajtur Psychrobacter SC65A.3, u izolua nga një shtresë akulli e ruajtur prej mijëra vitesh. Sipas Cristina Purcarea nga Instituti i Biologjisë në Bukuresht, ky mikroorganizëm mban mbi 100 gjene të lidhura me rezistencën ndaj antibiotikëve, pavarësisht se ekzistonte shumë përpara përdorimit të antibiotikëve modernë.
Shkencëtarët analizuan një bërthamë akulli 25 metra të thellë për të identifikuar mekanizmat që lejojnë bakterin të mbijetojë në temperatura ekstreme dhe të zhvillojë rezistencë antimikrobiale.
Lexo edhe: Kur “jo”-ja mungon, pasojat që mund ta ndjekin fëmijën edhe në jetën si i rritur
Studimi, i publikuar në Frontiers in Microbiology, tregon se rezistenca ndaj antibiotikëve është një fenomen natyror që ekzistonte shumë përpara mjekësisë moderne, por është përshpejtuar nga përdorimi i tepërt i antibiotikëve.
Sipas OBSH-së , një në gjashtë infeksione bakteriale në botë është tashmë rezistent ndaj trajtimeve standarde. Në Evropë, rezistenca antimikrobiale shkakton mbi 35,000 vdekje çdo vit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
