Integriteti nuk është një deklaratë që bëhet me zë të lartë, por një qëndrim që reflektohet në veprime të përditshme. Ai lidhet ngushtë me mirëqenien emocionale, marrëdhëniet e shëndetshme dhe besueshmërinë në punë e në jetë personale. Njerëzit me integritet nuk kanë nevojë të flasin shumë për vlerat e tyre, sjellja e tyre i tregon qartë.
Ja 8 mënyra konkrete si e shfaqin integritetin:
1. Pranojnë gabimet
Nuk justifikohen dhe nuk fajësojnë të tjerët. Marrin përgjegjësi dhe e shohin gabimin si mundësi për reflektim dhe rritje.
2. Kërkojnë falje kur lëndojnë dikë
E dinë që përulësia është forcë, jo dobësi. Një “më fal” i sinqertë për ta ka peshë.
3. Mbajnë fjalën
Premtimet dhe angazhimet janë të shenjta. Janë njerëz tek të cilët mund të mbështetesh pa hezitim.
4. Sillen me respekt ndaj kujtdo
Mënyra si trajtojnë punonjësit e shërbimit apo persona që “nuk kanë pushtet” flet shumë për karakterin e tyre.
5. Nuk zgjedhin rrugë të shkurtra në kurriz të të tjerëve
Edhe kur është më e lehtë, nuk sakrifikojnë parimet për komoditet personal.
6. Janë autentikë
Nuk ndryshojnë thelbin e tyre për të marrë miratim. Përshtaten me situatat, por nuk tradhtojnë vlerat.
7. Tregojnë dhembshuri edhe në situata të vështira
Edhe nën presion, zgjedhin mirëkuptimin dhe njerëzillëkun.
8. Dalin në mbrojtje të të tjerëve
Nuk qëndrojnë indiferentë përballë padrejtësisë, edhe kur nuk përfitojnë asgjë personalisht.
Integriteti nuk është perfeksion. Është zgjedhje e përditshme për të qenë i drejtë, i ndershëm dhe i qëndrueshëm me veten, edhe kur askush nuk po shikon.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
