Viti 2025 ishte momenti kur potenciali i inteligjencës artificiale shpërtheu plotësisht para syve tanë, dhe u bë e qartë se kthim pas nuk ka. Çfarëdo pyetje të kishim, përgjigjja ishte AI.
Pamë se si kjo teknologji mund të përshpejtojë kërkimin shkencor, të rrisë produktivitetin dhe të bëjë të mundur atë që dikur dukej e pamundur. Ishte e vështirë të lexoje apo të shikoje diçka pa u ndeshur me lajme për avancimet marramendëse të një teknologjie që imiton të menduarit dhe inteligjencën njerëzore. Ato histori ndezën miliona diskutime mbi sa zhgënjyese, sa e dobishme apo sa e rrezikshme do të ishte kjo epokë për jetët tona.
Aftësitë e saj shpesh duken si magji: së fundmi kemi mësuar se AI mund të ndihmojë në komunikimin me balenat dhe të zgjidhë një problem matematikor të pazgjidhur prej 30 vitesh. Modelet po përmirësohen me ritme të frikshme, duke kryer brenda sekondave punë që njerëzve u merrnin orë të tëra.
Lexo edhe:Forbes: Gratë më të fuqishme në botë për 2025
Megjithatë, kjo epokë e re vjen edhe me kosto: kërkon sasi kolosale energjie për të funksionuar. Profesione zhduken. Dezinformimi përhapet. Sulme kibernetike të gjera mund të realizohen pa asnjë ndërhyrje njerëzore. Dhe kompanitë e AI po lidhen ngushtë me ekonominë globale në një bast historik me përmasa të jashtëzakonshme.
“Personi i Vitit” është mënyra me të cilën TIME drejton vëmendjen botërore te njerëzit që formësojnë realitetin tonë. Dhe këtë vit, askush nuk pati ndikim më të madh se individët që imagjinuan, projektuan dhe ndërtuan inteligjencën artificiale.
E ardhmja e AI do të përcaktohet nga njerëzimi, dhe secili prej nesh mund të luajë rol në formësimin e strukturës dhe drejtimit të saj. Puna jonë e ka trajnuar dhe ushqyer këtë teknologji — dhe sot, lëvizim brenda një bote që definon gjithnjë e më shumë ritmin e saj përmes inteligjencës artificiale.
Për sjelljen e epokës së makinave që mendojnë, për magjepsjen dhe frikën që i shkaktuan njerëzimit, për transformimin e së tashmes dhe kapërcimin e së mundshmes — “Arkitektët e AI” janë Personi i Vitit 2025 sipas TIME.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
