Reklamat e markave Nike, Superdry dhe Lacoste janë ndaluar në Mbretërinë e Bashkuar, pasi konsideroheshin mashtruese për konsumatorët në lidhje me pretendimet e tyre për qëndrueshmëri mjedisore.
Advertising Standards Authority (ASA) deklaroi se reklamat e sponsorizuara në Google nga këto tre marka përdornin terma si “sustainable”, “sustainable materials” ose “sustainable style” pa paraqitur prova të mjaftueshme që të mbështesnin këto pretendime.
-
Reklama e Nike, që promovonte bluza polo për tenis, përdorte frazën “sustainable materials”. Kompania tha se termi ishte “i përdorur në mënyrë të përgjithshme” dhe se konsumatorët do ta interpretonin si një referencë për disa produkte, jo për të gjithë gamën.
-
Superdry, në reklamën që i ftonte konsumatorët të “zgjidhnin një gardërobë që kombinon stilin me qëndrueshmërinë”, argumentoi se reklama kishte si qëllim të theksonte gamën e saj të gjerë të produkteve me “atribute dhe kredenciale qëndrueshmërie”.
-
Lacoste, që promovonte veshje për fëmijë të etiketuara si të qëndrueshme, tha se prej vitesh punon për të ulur gjurmën e karbonit të produkteve të saj, por pranoi se pretendime si “green”, “sustainable” dhe “eco-friendly” janë “shumë të vështira për t’u provuar”.
Lexo edhe:“Rikthim në socializëm”/ Bie biznesi, shteti mban në këmbë ekonominë
ASA: Pretendimet ishin “të paqarta, absolute dhe pa prova mbështetëse”
Organi mbikëqyrës deklaroi se Kodi i Reklamimit në MB kërkon që pretendimet mjedisore të jenë të qarta dhe të “mbështetura nga një nivel i lartë provash”. Sipas ASA, në të tria rastet përdorimi i termit “sustainable” ishte i pa shoqëruar me informacion shtesë, gjë që e bënte pretendimin “të paqartë dhe ambig”. “Pretendimi ishte absolut, ndaj kërkohej një nivel i lartë provash mbështetëse,” tha ASA. “Nuk kemi parë prova që ta mbështesnin atë. Prandaj konkluduam se reklamat ka të ngjarë të mashtronin konsumatorët.” ASA theksoi gjithashtu se nuk kishte asnjë provë që produktet ishin realisht jo-dëmshme për mjedisin gjatë gjithë ciklit të tyre të jetës, një kriter thelbësor për pretendimet e qëndrueshmërisë. Reklamat u ndaluan dhe kompanive iu kërkua të sigurojnë që, në të ardhmen, çdo pretendim mjedisor të jetë i qartë dhe i mbështetur nga prova të nivelit të lartë.
Edhe një reklamë e Betway u ndalua për shkelje të rregullave ndaj të miturve
Në një rast të ndarë, ASA ndaloi edhe një reklamë të kompanisë së basteve Betway, e cila shfaqte pilotin e Formula 1, Sir Lewis Hamilton, pasi konsiderohej se kishte ndikim të fortë te të miturit. Reklama në Facebook, e publikuar përpara Grand Prix britanik në Silverstone, tregonte një video ku tre pilotë shikonin garën nga shkallët e tribunës. Emri i Hamilton ishte i shkruar në pjesën e pasme të uniformës së kuqe. Një ankesë e dorëzuar ndaj ASA sfidoi përdorimin e imazhit të Hamilton, pasi rregullat e Mbretërisë së Bashkuar ndalojnë shfaqjen e personaliteteve me apel të fortë te të miturit në reklama kumari. Betway nuk e kundërshtoi faktin që Hamilton ka ndikim te të rinjtë, por tha se mënyra se si ishte paraqitur në reklamë, pa e treguar fytyrën, e zvogëlonte këtë ndikim. ASA vendosi se, pavarësisht kësaj, konsumatorët, përfshirë ata nën 18 vjeç, e identifikonin qartë figurën si Hamilton-in, duke e cilësuar reklamën si “të papërgjegjshme dhe në shkelje të kodit”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
