Kara Hagedorn nuk e nisi me një ëndërr për t’u bërë sipërmarrëse. E nisi thjesht si një përpjekje për të ushqyer shëndetshëm qenin e saj, Moose.
Ajo nuk kishte plan biznesi. As një faqe interneti. As Shopify. Vetëm një dëshirë të sinqertë për të bërë diçka më të mirë.
Një ditë, teksa lexonte etiketat e ushqimeve për qen, u habit nga përbërësit e panjohur. Kështu nisi të përgatiste vetë biskota me përbërës natyralë si gjalpi i kikirikut dhe tërshëra, fillimisht për Moose, më pas për miqtë, e më vonë për ndjekësit në Instagram.
Lexo gjithashtu: Shteti shqiptar investon 10 mln $ për startupin inovativ të Mira Muratit
Pas pune, çdo mbrëmje, ajo merrte brumin, priste biskotat me dorë dhe i paketonte në qese letre me shënime personale. Produkti nuk kishte logo profesionale, por kishte shpirt dhe një histori që njerëzit donin të mbështesnin.
Ajo e quajti markën Moose & Me.
Videoja që ndryshoi gjithçka
Në një mbrëmje të zakonshme, Kara postoi një video 19 sekondëshe në Instagram. Në sfond, Moose shikonte nga tavolina, ndërsa ajo fliste përse nisi t’i përgatiste vetë ushqimet për të. Cilësia e videos nuk ishte perfekte, por autenticiteti ishte i dukshëm.
Lexo gjithashtu: Si arrita të rris biznesin me 50% pa punësuar asnjë punonjës të rinj?
Videoja arriti 40,000 shikime në një javë.
Një blerës nga një zinxhir rajonal supermarketesh e pa dhe i shkroi:
“Mund të na dërgosh 500 njësi për 3 javë?”
Kara nuk kishte printer etiketa. As paketim profesional. As dijeni për shitjet me shumicë.
Por tha “po”.
Ajo punoi natë e ditë, mësoi gjithçka në ecje, dhe i dorëzoi porosinë në kohë. Nga një dyqan kaloi në pesë. Pesë u bënë pesëmbëdhjetë.
Sot?
Moose & Me është një markë që gjeneron mbi 1 milion dollarë në vit, ka dizajn të stilit Whole Foods, dyqane partnere, ndjekës të përkushtuar në rrjetet sociale dhe një linjë në rritje me produkte natyrale për kafshë shtëpiake.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English