Me moton “E-commerce: Untangling Potential”, më 12 nëntor në Operën dhe Baletin Kombëtar në Shkup do të mbahet konferenca e shtatë vjetore për tregtinë elektronike, e cila për të tretin vit radhazi ka karakter rajonal. Organizatori i këtij eventi të rëndësishëm është Shoqata për Tregtinë Elektronike e Maqedonisë – AETM.
Këtë vit, konferenca do të përqendrohet në aspektet e tregtisë elektronike ku potenciali tashmë është arritur, si dhe në ato ku ende duhet të punohet për t’u shfrytëzuar plotësisht. Do të mbulohen tema si logjistika dhe dërgesat, mundësitë e reja për pagesat elektronike, marketingu bazuar në të dhëna dhe inteligjenca artificiale, si dhe zhvillimi ndërkufitar dhe ndërkombëtar i bizneseve të tregtisë elektronike.
Organizatorët njoftojnë një program të cilësisë së lartë me folës të shquar nga rajoni dhe ndërkombëtarë. Gjatë konferencës do të prezantohen gjetjet kryesore nga analiza e tregtisë elektronike në Ballkanin Perëndimor.
AETM po punon në përgatitjen e edicionit të gjashtë të analizës së tregtisë elektronike për vitin 2024, i cili do të ofrojë një pasqyrë të përparimit dhe sfidave të tregtisë elektronike në rajon. Botimet e mëparshme kanë treguar se, megjithëse tregtia elektronike po shënon rritje të konsiderueshme, Ballkani Perëndimor mbetet ende prapa tregjeve të zhvilluara. Megjithatë, vendet e rajonit, së bashku, kanë potencial për të krijuar një treg më të madh dhe për të përshpejtuar rritjen e tyre. Analiza e këtij viti do të fokusohet në veçanti tek tregtia ndërkufitare dhe sfidat në fushat e pagesave dhe logjistikës, të cilat janë kyçe për funksionimin efikas të ekosistemit të tregtisë elektronike. Zgjidhja e këtyre problemeve është thelbësore për zhvillimin e mëtejshëm të tregut dhe përparimin.
“Konferenca për tregtinë elektronike është bërë një ngjarje rajonale e njohur, e cila çdo vit tërheq mbi 600 pjesëmarrës me tema të rëndësishme dhe aktuale. Tema e këtij viti, ‘E-commerce: Untangling Potential’, është frymëzuar nga kompleksiteti i ekosistemit të tregtisë elektronike dhe nevoja për të shfrytëzuar më mirë të gjitha mundësitë që ofron tregtia elektronike. Rritja rajonale, shfaqja e zgjidhjeve të reja dhe aktorëve, si dhe hyrja në tregjet ndërkombëtare, tregojnë se ka interes të madh dhe potencial për zhvillim të mëtejshëm. Këtë vit do të diskutojmë për sa është shfrytëzuar tashmë potenciali, ku ekzistojnë sfidat dhe çfarë duhet ndërmarrë për një rritje dhe zhvillim më të shpejtë,” tha Nina Angelovska-Stankov, kryetare e AETM-së.
Vitin e kaluar, konferenca u mbajt në formatin e saj më të madh rajonal deri më tani, me mbi 600 pjesëmarrës nga 150 kompani, organizata, universitete dhe institucione qeveritare nga vendi dhe rajoni. Prezantimet u mbajtën nga 30 folës nga 10 vende të ndryshme.
Më shumë informacion për folësit, axhendën dhe detajet e tjera do të jetë së shpejti i disponueshëm në: https://ecommerceconference.mk/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
