Gratë Kundër Dhunës në Europë (WAVE), Ambasadorët Rinorë dhe Rrjeti i Profesionistëve të Rinj Shqiptar kanë kënaqësinë t’ju ftojnë në bisedën ndërgjeneracionale “Jam Një Grua/Vajzë në Hapësirën kibernetike”, si pjesë e fushatës së Ambasadorëve Rinorë të WAVE për të ngritur ndërgjegjësimin dhe për të shtuar mbrojtjen e grave dhe vajzave në internet.
Qëllimi i kësaj fushate është të rrisë ndërgjegjësimin rreth rëndësisë ndaj të drejtave digjitale të grave dhe vajzave dhe të avokojë për mbrojtjen e tyre përmes ndryshimeve në politika, edukimit të komunitetit, ndryshimit të mendësive dhe bashkëpunimit të interesave të shumë palëve.
Në kuadër të kësaj fushate, Ambasadorët Rinorë të WAVE do të organizojnë një seri aktivitetesh, duke përfshirë biseda ndërgjeneracionale në pesë qytete europiane, duke filluar me Tiranën, Parisin dhe Vjenën. Bisedat janë të planifikuara të zgjasin 2 orë secila, duke filluar nga ora 18:30 deri në 20:30, me një audiencë prej rreth 30 deri në 50 të pranishëm vendorë dhe ndërkombëtarë.
Dialogjet ndërgjeneracionale do të ofrojnë një hapësirë të sigurt për aktivistë dhe ekspertë për të diskutuar sigurinë e grave dhe vajzave në hapësirën cyber, duke sjellë perspektiva të reja të veprimeve dhe zgjidhjeve inovative në nivel komuniteti, duke përdorur përvojën dhe idetë e brezave të ndryshëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
