WhatsApp ka lançuar disa veçori të reja emocionuese, por përdoruesit e iPhone përballen me një pritje për të shfrytëzuar disa prej tyre.
Ndryshimet janë aktualisht ekskluzivisht për përdoruesit e celularëve Android, përfshirë Samsung, pasi ata me pajisjen Apple duhet të presin për një përditësim të ardhshëm.
Pamja e re e aplikacionit do t’i bëjë klientët të jenë në gjendje të shtojnë tituj kur dërgojnë dokumente.
Një prezantim i avatarëve të personalizuar tashmë i ka bërë njerëzit të flasin për këtë funksion të ri argëtues që është lançuar.
Lexi edhe: Shkëmbim mesazhesh edhe pa internet, WhatsApp sjell risitë e 2023
Tani lejohen gjithashtu përshkrime më të gjata në bisedat në grup.
Dhe për herë të parë keni më pak kufizime sepse mund të dërgoni deri në 100 foto dhe video në të njëjtën kohë. Deri tani limiti ishte vetëm 30.
Por disa përdorues janë ankuar se nuk kanë ende aftësinë për t’i përdorur ato.
Ata këshillohen të presin për përditësimin e radhës – por fansat e iPhone nuk janë ende të sigurt se kur do të fillojnë të përfitojnë nga ndryshimet.
Sakaq sot, përdoruesve të Apple u është kërkuar të instalojnë përditësimin më të fundit, për të rregulluar një sërë gabimesh dhe problemesh.
Përditësimet janë shpërndarë në shumicën e pajisjeve të tyre – iPhone, iPad, Mac, Apple TV, Watch dhe HomePods.
Softueri i ri merret me defektet dhe zbrazëtitë e sigurisë, kështu që njerëzit me produktet e Apple u nxiten t’i përditësojnë ato sa më shpejt të jetë e mundur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
