Ermir Lushnjari ka emigruar që në moshën 15 vjeçare në Itali. Juristi Ermir Lushnjari punon si këshilltar ligjor për emigracionin në Verbania, Itali. Për Bussines Magazine tregon si lindi ideja e aplikacionit “Çaj Mali”, i cili udhëzon emigrantët si të pajisen me nënshtetësinë italiane. Projekti i të riut shqiptar ka rezultuar mjaft i suksesshëm, pasi është shkarkuar nga mbi 10 mijë përdorues në 188 shtete të ndryshme.
Pse lindi idea për një aplikacion me një funksion të tillë?
Duhet të ndihmoja njerëzit që të mos përjetonin më tepër mungesën e nënshtëtësisë italiane. Të jetuarit në një vend të huaj, ta ndërlikon jetën edhe më tej nëse nuk ke nënshtetësinë. Ndaj, u ndërtua aplikacioni “Çaj Mali”.
Cili është funksioni primar?
Sigurisht është marrja e infomacionit për pajisjen me shtetësinë Italiane.
Por, për të qenë sa më shumë global, duke marrë parasysh se përdoret në 180 shtete, kam shtuar një funksion dekorativ. Aplikacioni ka tetë funksione dhe të tetë këto funksione kanë si qëllim të shpjegojnë mënyrën e aplikimit për nënshtetësi italiane. Në app ka sqarime të detajuara për të gjitha rrugët që duhet të ndiqen për përgatitjen e dokumentave, pagesat, zyrat ku duhet të drejtohen etj. Gjithashtu në aplikacion gjendet edhe mundësia për të bërë pyetje në lidhje me paqartësi që lidhen me problematikat e shtetasve të huaj. Aplikacioni është i krijuar në katër gjuhë të huaja.
Cili është funksioni dekorativ që keni shtuar së fundmi?
Quhet Almanacco dhe ku përmenden ditëlindjet e personazheve, të cilët ishin të huaj dhe kanë marrë shtetësinë këto vitet e fundit.
Personazhet i përkasin artit dhe kulturës dhe vijnë nga e gjithë bota: Kina, Brazili, Kanada deri në Zelandën e Re. Tek i njëjti vend kam shtuar festat kombëtare për çdo shtet. Përshembull, 28 Nëntor vendosa flamurin Shqiptar me urimet.
A keni menduar ta thelloni punën tuaj me aplikacionin?
Funksioni që do të shtoj në Shtator lidhet me integrimin e të huajve dhe kontributin që ata japin në shoqëri. Dua ti tregoj botës se shoqëria akutale është e përbërë nga sportistë, këngëtarë, shkrimtarë etj. Këta të fundit ishin të huaj dhe u natyralizuan me Italinë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
