Ministrja e Turizmit dhe Mjedisit, Mirela Kumbaro ka njoftuar në profilin e saj zyrtar se qeveria ka shpallur parqe natyrore Lumin e Vjosës, Luginën e Shalës, Parkun e Munellës dhe Syrin e Kaltër.
“Mirëmëngjes, sot ne Ditën e Shërbimit Pyjor, me Vjosën, Luginën e Shalës, Munellën dhe Syrin e Kaltër që nga tani bëhen pjesë e zonave të mbrojtura me status Park Natyror dhe me respektin më të thellë për të gjithë ata që shërbejnë e kujdesen për Pyjet. Dhe me Valbonën, Thethin e Lumin e Gashit që bashkohen në Parkun e ri Kombëtar “Alpet e Shqipërisë”,” shkruan Kumbaro.
Çështja e Vjosës ka qenë shumë e debatuar për t’u bërë pjesë e zonave të mbrojtura dhe më në fund u mor vendimi, ku aktorë nga fusha të ndryshme kanë kontribuar në këtë vendim.
Lexoni: Peticioni për lumin Vjosa: Më shume se 17.000 firma për të shpallur luginën e Vjosës Park Kombëtar
Territori i mbrojtur në vendin tonë ka shkuar në 21%, me shtimin e këtyre parqeve natyrore në listë së fundmi.
“I kemi ruajtur, i kemi përditësuar, i kemi shtuar zonat e mbrojtura dhe, pa ulur ritmin, kemi nisur punën për planet e menaxhimit për të krijuar modele të qëndrueshme zhvillimi në këto territore që janë thesare natyrore e për të na dhënë mundësinë të krijojmë kalendarin e turizmit gjithëvjetor me sportet e aventurës, kulinarinë, ekoturizmin, turizmin malor,” thotë ministrja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
