Autoriteti Turk i Aviacionit Civil ka miratuar një rregullore të re që ndalon pasagjerët të ngrihen nga vendet e tyre para se të fiket shenja e rripit të sigurimit pas uljes së avionit. Shkelësit do të gjobiten me 65 euro.
Ky vendim ka për qëllim përmirësimin e sigurisë dhe shmangien e kaosit gjatë zbarkimit. Autoritetet theksojnë se shumë pasagjerë ngrihen para kohe, duke rrezikuar lëndime dhe duke penguar punën e ekuipazhit. Sipas rregullores, e bazuar në nenin 143 të Ligjit të Aviacionit Civil Turk nr. 2920, pasagjerët duhet të qëndrojnë të ulur me rripin e sigurimit të lidhur derisa avioni të ndalet plotësisht dhe të fiket sinjali për rripin.
Gjithashtu, ata duhet të presin thirrjen e rreshtit të tyre për të zbritur nga avioni. Të gjitha linjat ajrore që operojnë në Turqi janë të detyruara të informojnë pasagjerët për këto rregulla, përmes njoftimeve audio dhe materialeve vizuale. Turkish Airlines ka përditësuar tashmë njoftimet standarde të uljes, duke përfshirë paralajmërime për gjobat.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
