Komisionerja e Bashkimit Evropian për Zgjerimin, Marta Kos përmes një publikimi në median sociale X, ka bërë me dije se Tirana dhe Shkupi kanë bërë progres në zbatimin e reformave kyçe dhe do të përfitojnë fonde nga Plani i Rritjes. Fondet u miratuan ditën e djeshme për Maqedoninë e Veriut, ndërsa e njëjta gjë pritet të miratohet sot pë Shqipërinë.
“Urime për Maqedoninë e Veriut dhe Shqipërinë për vendosjen e ritmit në Ballkanin Perëndimor për të marrë parafinancim në kuadër të Planit të Rritjes së BE-së! Kjo duhet të nxisë zbatimin e reformave kyçe për të nxitur rritjen, përmirësuar jetën e qytetarëve dhe afruar vendet më shumë me BE-në”, ka shkruar Kos.
Sipas deklarës së kryeministrit Rama në komunikimin në mediat sociale mëngjesin e sotëm me qytetarët, bëhet fjalë për 64.5 milionë euro që vijnë drejtpërdrejt nga BE për Shqipërinë, ku një pjesë janë mbështetje për reformat dhe 34 milionë euro kalojnë për Fondin e Investimeve të Ballkanit për infrastrukturën.
“Plan i Rritjes për Ballkanin Perëndimor” synon që të forcojë një treg të përbashkët rajonal, të integruar gradualisht me atë të BE-së. Ai është i bazuar në katër shtylla themelore si: forcimi i integrimit ekonomik në tregun unik të BE-së; forcimi i integrimit ekonomik brenda Ballkanit Perëndimor përmes tregut të përbashkët rajonal; përshpejtimi i reformave fundamentale dhe rritja e asistencës financiare për të ndihmuar reformat. Ky plan synon që ta sjellë Ballkanin Perëndimor më afër BE-së, si në aspektin e reformave strukturore por edhe në drejtim të zhvillimit ekonomik.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
