Shumë e bukur për të qenë e vërtetë. Zviceranët votuan të Dielën e kaluar për të vendosur një pagë minimale në kantonin e Gjenevës me 4,086 franga zvicerane në muaj, ose rreth 3,800 euro. Vendimi u miratua me 58% të votave, ndërsa e njëjta reformë ishte refuzuar disa herë në të kaluarën nga votuesit zviceranë.
LEXO: Paga minimale do të rritet, aplikimet për ripunësim tek e-Albania
Ligji parashikon një shpërblim prej 23 frangash në orë (pak më shumë se 21 euro) për 41 orë në javë punë, gjë që thjesht e bën pagën më të lartë minimale në botë. Zvicra nuk ka një pagë minimale në nivel kombëtar, dhe Gjeneva bëhet kështu kantoni i tretë që miraton një gjë të tillë pas Jura dhe Neuchâtel.
Vendimi u prit me kundërshtime, veçanërisht nga sindikatat dhe partitë e krahut të majtë, siç raportohet nga France 3. Gjeneva është një nga qytetet më të shtrenjta në botë. I varur nga turizmi, dhe veçanërisht nga biznesi dhe turizmi diplomatik, kantoni i Gjenevës është goditur nga pandemia e koronavirusit.
Kjo reformë, të cilën Gjenevët e kishin refuzuar në 2011 dhe 2014, do të hyjë në fuqi në 17 Tetor dhe përfitojnë 30,000 punonjës në kanton.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
