16-fishohet tarifa e liçencimit të karburanteve

16-fishohet tarifa e liçencimit të karburanteve


Qeveria shqiptare rrit me 16 herë tarifën e liçencimit të pikave të tregtimit të karburanteve. Aktualisht, për të hapur një pikë të pavarur tregtimi karburanti liçenca kushton 300 mijë lekë, ndërsa me hyrjen në fuqi të Vendimit të Këshillit të Ministrave do të kushtojë 5 milionë lekë. Ndërsa, për hapjen e të njëjtit aktivitet në një qytet tjetër tarifa është 200 mijë lekë dhe me ndryshimin e qeverisë do të shkojë në 2 milionë lekë.

Rritja e tarifave pritet të pasqyrohet në rritjen e çmimit të karburantit, siç ndodh me çdo rritje tjetër kostoje për biznesin, i cili e transferon atë te konsumatori përfundimtar. Rreth 67% të çmimit të naftës e përbëjnë taksat. Në VKM janë përcaktuar procedurat dhe kushtet për dhënien e liçencave për tregtimin e naftës bruto dhe nënprodukteve të saj.

VENDIMI

Veprimtaria e tregtimit me shumicë të naftës bruto dhe nënprodukteve të saj bëhet vetëm nga shoqëritë tregtare, të themeluara në formën e shoqërive aksionare, pasi të jenë pajisur me Liçencë tregtimi nga Qendra Kombëtare e Licencimit (QKL). Shoqëria aksionare paraqet në QKL kërkesën për t’u pajisur me Licencë tregtimi, bashkë me dokumentet shoqëruese ekstraktin historik dhe tregtar të regjistrit tregtar, nga Qendra Kombëtare e Regjistrimit, që vërteton se personi juridik është krijuar në formën e shoqërisë aksionare, ku objekt të veprimtarisë të ketë edhe tregtimin e naftës bruto e nënproduktet e saj. Një tjetër dokument është vërtetimin e pronësisë ose kontratën e qirasë për depozitat/magazinat që do të përdorë personi juridik.

Personi juridik nuk mund të marrë me qira kapacitete depozituese/magazinuese, në qoftë se ato janë në përdorim nga qiradhënësi apo nga ndonjë person i tretë, si dhe kapacitete depozituese/ magazinuese të rafinerive të naftës dhe impianteve të përpunimit të nënprodukteve të naftës, të cilat janë në funksion të procesit teknologjik dhe kanë infrastrukturë të përbashkët me rafinerinë. Kohëzgjatja e kontratës së qirasë të jetë jo më pak se 5 vjet. Një tjetër dokument është vërtetimi për kontrollin e objektit, për respektimin e kushteve teknike, të lëshuar nga Inspektorati Shtetëror Përgjegjës (ISHP); dhe vërtetimin e pronësisë ose kontratën e marrjes në përdorim për automjetet e transportit për naftë bruto dhe nënproduktet e saj, që do të përdorë personi juridik.

Dokumente të tjera janë çertifikatën e miratimit për mjetet që transportojnë disa mallra të rrezikshme, leje mjedisi, sipas legjislacionit në fuqi për mjedisin, për ambientet depozituese dhe, në rastet e tregtimit të vajrave lubrifikantë, për kapacitetet magazinuese dhe vërtetimin e shlyerjes së detyrimeve tatimore, përfshirë sigurimet shoqërore.

/Balkanweb/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0