Ekzekutivët e Facebook u janë përgjigjur kritikave të cilat u kanë kërkuar kompanisë se pse kjo e fundit nuk e ka aktivizuar versionin e çekimit të sigurisë së jetës në më shumë situata.
Në një postim në Facebook të shtunën, CEO Mark Zuckerberg tha se rrjeti social do ta përdorë opsionin në më shumë katastrofa njerëzore që mund të ndodhin në të ardhmen. Zëvendës Presidenti i kompanisë për Rritjen, Alex Schultz, gjithashtu shpjegoi vendimin për të aktivizuar mjetin gjatë sulmeve terroriste në Paris në një postim veçmas nga ai i Zuckerbergut.
Facebook aktivizoi çekimin e sigurisë në rrjetin social për njerëzit që ndodheshin në Paris të Premten pas sulmeve terroriste në qytet. Më shumë se 4 milionë njerëz e përdorën mjetin për të bërë me dije familjen dhe miqtë e tyre se ishin jashtë rrezikut për jetën dhe 360 milionë përdoruesë morën njoftime se miqtë e tyre ishin të sigurt.
Sulmet e së Premtes shënuan herën e parë që Facebook shpërndau mjetin për një situatë ndryshe nga ajo e një katastrofe natyrore. Çekimi i sigurisë u prezantua vitin e kaluar dhe është përdorur pas tërmeteve në Nepal dhe Afganistan, gjatë uraganit Patricia dhe gjatë katastrofave të tjera natyrore.
Edhe pse mjeti “u duartrokit” të Premten, Facebook më pas u kritikua ashpër se përse rrjeti social nuk e kishte përdorur mjetin pas bombardimeve të së premtes në Beirut ose në pjesë të tjera të botës, ku dhuna është e zakonshme dhe gjëra të tmerrshme ndodhin në një frekuencë dëshpëruese,” sipas zëvendës Presidentit të kompanisë Alex Schultz.
Në një postim të gjatë në llogarinë e tij në Facebook, Schultz shpjegoi vendimin për ta zgjeruar përdorimin e mjeteve edhe gjatë të tjerave emergjenca. Schlutz nuk dha detaje se cilat do të jenë detajet për aktivizimin e mjetit gjatë incidenteve në të ardhmen përveç atyre të katasrofave natyrore, duke theksuar se karakteristika “nuk është kaq ndihmuese” gjatë luftërave apo ngjarjeve në zhvillim e sipër.
“Në rastin e katastrofave natyrore, ne aplikojmë një set kriteresh që përfshijnë fushën, shkallën dhe ndikimin që ka emergjenca,” ka shkruar ai. “Gjatë një krize në zhvillim e sipër, si lufta apo epidemia, ‘çekimi i sigurisë’ në formën e saj aktuale nuk do t’u vinte shumë në ndihmë njerëzve: sepse nuk ka nje pikë të qartë të fillimit dhe një pikë të mbarimit të emergjencës dhe për fat të keq është e pamundur që të dini nëse dikush është vërtet ‘i sigurt’ apo jo.”
