Zoom, shitjet rriten me 300%, CEO renditet në listën e njerëzve më të pasur në SHBA - Business Magazine Albania

Zoom, shitjet rriten me 300%, CEO renditet në listën e njerëzve më të pasur në SHBA

Platforma e pandemisë, “Zoom”, pritet të raportojë një Tremujor Tjetër me fitime marramendëse, këtë të Hënë. Pritet që sërish, shitjet të jenë rritur me 300%, sikurse në Tremujorin e mëparshëm. Deri tani në fakt, ka qenë e pritshme për investitorët që kjo platformë të kishte pasur fitime “të çmendura”, mirëpo, ajo që mbetet në pikëpyetje është e ardhmja e kompanisë kur mos të ketë më punë nga distanca.

Për më tepër, një vaksinë COVID – 19 duket të jetë në horizontin e vitit 2021. Sikurse edhe kompani të shumta kanë raportuar vaksinat e tyre përkatëse me 95% efektivitet apo 70%, mesatarisht.

Nuk është e qartë se çfarë ndodh me biznesin e Zoom kur njerëzit fillojnë të kthehen në zyrë, por aksionet e kompanisë janë shitur, që me daljen e lajmeve pozitive të vaksinave.

Më 9 nëntor, pasi Pfizer tha se vaksina e saj tregoi një normë efikasiteti prej 90%, aksionet e Zoom ranë 17%.

Miliona familje në të gjithë botën kanë përdorur si Zoom, Google Meet, Microsoft Teams ose Apple’s FaceTime që kur pandemia ka shpërthyer. Gjasat janë që e njëjta gjë të ndodhë edhe përgjatë festave të fundvitit.

LEXO: Suksesi i Zoom gjatë pandemisë, arrin rekord të ardhurash

Për tremujorin e tretë, i cili përfundoi në tetor, Zoom pritet të tregojë rritje të të ardhurave prej 317% në 694 milion dollarë, sipas analistëve të anketuar nga Refinitiv. Kjo pason rritjen prej 355% në tremujorin e dytë të 2020-ës dhe 169% rritje, në tremujorin e parë.

Në tremujorin aktual, i cili përfundon në janar, rritja e Zoom parashikohet të qëndrojë në normën 288%. Më tej, analistët parashikojnë të fillojë rënia e platformës, madje edhe në shifra dramatike.

Sidoqoftë, Eric Yuan, themeluesi i aplikacionit, në më pak se dy vjet u bashkua zyrtarisht në Forbes 400, si një nga njerëzit më të pasur të Shteteve të Bashkuara të Amerikës. Yuan ka grumbulluar një pasuri që tejkalon 17 miliardë dollarë, sipas Indeksit të Miliarderëve, Bloomberg.

Mbi fitimet neto, Yuan nuk ka pranuar të komentojë, kur është kontaktuar nga Business Insider, duke thënë përmes një përfaqësuesi të tij se ishte i zënë prej 18 orësh duke punuar për Zoom-in.

CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0