Zgjidhja ideale vjen nga Gjermania: Si po zhvillohet mësimi online në kohë pandemie - Business Magazine Albania

Zgjidhja ideale vjen nga Gjermania: Si po zhvillohet mësimi online në kohë pandemie

Mësimi online gjatë kohës së pandemisë ishte një mënyrë e re, e imponuar për nxënësit, përfshirë edhe ata të gjimnazeve në të gjithë botën. Realiteti i ri i krijuar nga mbyllja e shkollave për shkak të pandemisë, tregoi se ky proces, në rastin më të mirë ka qenë i cunguar.

Sidoqoftë, shkollat ​​mund të digjitalizohen me sukses vetëm nëse krijohen kushtet e duhura, dhe mësuesit trajnohen në trajtimin dhe përdorimin e mediave përkatëse dhe përmbajtjes mësimore. Një zgjidhje vjen nga Gjermania. Kompania imc ka ndarë përvojën e saj nga 25 vitet e mësimit të korporatave me shkollat ​​dhe bordet shkollore.

imc ka disa vite që bashkëpunon me disa shkolla në Gjermani dhe shkëmben rregullisht ide me to. Kështu, hapi tjetër i dukshëm është zgjerimi i ofertës dhe mbështetja e shkollave në të gjithë botën me ekspertizën e fituar në këtë fushë. ‘’Shkolla ime Dixhitale’’ synon të ndihmojë mësuesit dhe shkollat ​​të hartojnë modele virtuale dhe hibride të përshtatura dhe t’i realizojnë ato në një mënyrë kuptimplote.

Zëdhënësi i Bordit të Imc, Christian Wachter ka drejtuar bashkëpunime me shkollat ​​për shumë vite. Ai është shumë i vetëdijshëm për çështjet me të cilat përballen shumë shkolla:

“Ky vit shkollor, në rrethana të jashtëzakonshme për shkak të pandemisë COVID-19, na ka treguar se sa lëshime ka sistemi arsimor duke filluar me kualitetin e mësimdhënies dhe për të vazhduar me pjesën e vlerësimit të nxënësve.

Nga njëra anë, mungon ekspertiza si përdoren mjetet dhe sistemet moderne të komunikimit. Për më tepër, konceptet përkatëse të mësimdhënies dhe të mësuarit duhet të evoluohen, duke pasur parasysh që mësimi dixhital ndryshon nga mësimi tradicional. Xhirimi i një mësimi ballë për ballë ose dërgimi i një leksioni në formatin PDF nuk e bën atë të mësuarit dixhital. Sidoqoftë, inkurajimi për të ndërmarrë një hap drejt dixhitalizimit është një çështje që na përket. Vitin e kaluar, ne realizuam projekte të shumta të suksesshme në shkolla që mund të shërbejnë si shembuj të praktikës më të mirë për të tjerët. “, thekson ai.

Mbyllja e shkollave për shkak të pandemisë, mungesa e një platforme kombëtare për mësim online, mungesa e internetit në shumë zona rurale, pastaj nisja e reformave për digjitalizim të procesit mësimor në kohën kur arsimi po përballej me probleme shumta, bëri që shumë prindër të ngrinin zërin, duke kërkuar normalizimin e procesit mësimor e që më pas të nisin reformat me konsultime të gjera.

“Kemi humbur shumë në cilësinë e arsimit. Nuk mundet që një fëmijë të mbajë një orë mësimore apo të dëgjojë mësuesin duke qëndruar i shtrirë në shtrat. Realisht fëmijët kanë humbur shumë, nuk kanë arritur të marrin njohuritë elementare. Më shumë kishte tallje sesa mësim. Me një fjalë, mësimi online në kushte të pandemisë, ka dështuar… Uroj që në shtator fëmijët të kthehen në shkolla. Do të ishte një gjë shumë e mirë. Kjo duhej të ndodhte shumë më herët, por të paktën të lutemi që nga shtatori të hapen dyert e shkollave”, thotë Dragana Spasevska nga shoqata “Mësim dhe libra patjetër të ketë”.

Me më shumë se 20 vjet përvojë, i pranishëm në 12 vende dhe me rreth 300 punonjës, imc është ofruesi kryesor i shërbimeve të plota për trajnime dixhitale. Ekspertë në fushat e teknologjisë, zhvillimit të mësimit digjital dhe strategjisë punojnë prej vitesh për të ofruar zgjidhje të gjithanshme dhe të personalizuara të mësimit online në të gjithë botën. 1.200+ ndërmarrje tregtare, organizata qeveritare dhe institute arsimore me mbi 5 milion përdorues në të gjithë botën mbështeten në zgjidhjet e përgjithshme dhe të personalizuara të imc.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0