Zgjidhja e Nissan për përdorimin e telefonit ndërsa jeni duke ngarë makinën: Një bllokues sinjali për telefonin tuaj - Business Magazine Albania

Zgjidhja e Nissan për përdorimin e telefonit ndërsa jeni duke ngarë makinën: Një bllokues sinjali për telefonin tuaj


Përdorimi i telefonit gjatë drejtimit të automjetit, përveç rastit kur përgjigjeni me anë të kufjeve, është diçka e rrezikshme dhe e pamend.

Por ndonjëherë, pasi ju dëgjoni telefonin tuaj teksa bie, tundimi është shumë i fortë. Dhe aty papritmas jeni duke iu përgjigjur një mesazhi tërësisht të parëndësishëm duke vënë në rrezik jetën tuaj dhe jetën e të tjerëve.

Nissan ka një zgjidhje interesante për këtë problem. I quajtur “Nissan Signal Shield”, që në thelb është një “kafaz Faraday” për telefonin tuaj – një ndarje që bllokon sinjalet elektromagnetike (që përfshijnë sinjale Wi-Fi, Bluetooth dhe sinjalet celulare), si në dalje dhe në hyrje. Vendosni telefonin tuaj brenda saj dhe ai nuk do të marrë sinjale derisa ta nxirrni që aty përsëri.

Michael Faraday shpiku kafazin Faraday në 1836. Në formën e tij më të thjeshtë, është një rrjetë materialesh ndarëse që bllokon fushat elektromagnetike.

Mburoja e sinjalit, e cila bazohet në këtë parim, aktualisht është vetëm një prototip, i instaluar në një “Nissan Juke”. Por lehtësisht mund të bëhet realitet. Sipas Nissan, 18% e shoferëve pranuan se e përdornin telefonin pas timonit dhe çdo gjë që do t’i ndihmojë për të reduktuar këtë përqindje në zero do të vlerësohej shumë nga të gjithë.

“Kjo ka të bëjë më shumë me kontrollin e timonit. Disa shoferë janë të imunizuar ndaj aktivitetit të smartphone-ëve të tyre, por për ata që luftojnë të injorojnë njoftimet e telefonave të tyre, ky koncept ofron një zgjidhje të thjeshtë në këtë botë teknologjike ku ne po jetojmë,” tha Alex Smith, Drejtor Menaxhues i “Nissan Motor GB”, në një deklaratë.

Disa gjëra mund t’iu vijnë në mendje. Si e dëgjoni muzikën nga telefoni juaj gjatë ngarjes së makinës? Nissan thotë se koncepti lejon që telefoni të mbetet i lidhur me një kabull, me sistemin e makinës, por nuk do të mund të merrni telefonata ose mesazhe.

Një problem tjetër i mundshëm mund të lindë në rastin e një përplasjeje; Në vend të transmetimit të vendndodhjes suaj dhe potencialisht, të një thirrjeje për ndihmë, telefoni do të jetë gjysëm i disponueshëm në atë ndarje. Por ky është një rast i rrallë që mund të zgjidhet me funksionalitet e pavarura në makinë.

Nissan nuk është kompania e parë që përpiqet të trajtojë problemin e smartphone-ëve duke tërhequr vëmendjen tonë. Vetëm javën e kaluar, Samsung lançoi një aplikacion (aktualisht duke kaluar testimin beta në Hollandë) që automatikisht u përgjigjet teksteve gjatë kohës që po udhëtoni.

burimi: Mashable

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0