Pas 10 vitesh kërkime dhe zhvillime, MARS Bioimaging ka zbuluar skanerin e parë rreze-X me ngjyra.
Grafitë e merzitshme bardhë e zi do t’i përkasin së shkuarës. Pajisja u ofron mjekëve një mjet të sofistikuar për të parë në trupat e njerëzve, me aplikime të mundshme që variojnë nga kërkimi deri tek diagnostifikimi.
Diagnostifikimi i kancerit dhe sëmundjeve të tjera, tani është shumë më i qartë duke pakësuar nivelin e ndërhyrjes në trup gjatë operimit.
Grafitë tradicionale shfaqen me vetëm dy ngjyra, e bardha e kockave, të cilat thithin rrezet X, dhe e zeza e indeve që nuk i thithin.
Përfitimet kryesore të teknologjisë së re janë zgjidhja shumë më e mirë (imazhe të qarta) dhe aftësia për të parë problemet me kockat dhe indet e tyre përreth.
Makineria mund të shquajë inde të ndryshme të buta, që nga kërcet, dhjami e deri te lëngjet, duke analizuar grimcat e dritës, që secila i jep ndryshe.
Të dhënat merren nga kompjuteri dhe rindërtohen me ngjyra, siç tregon dhe fotoja e kyçit të dorës.
Kjo teknologji është përshtatur nga një instrument që fizikantët kanë përdorur te CERN, laboratori europian i fizikës së grimcave në Gjenevë, Zvicër.
