YouTube do të paguajë 100 milionë dollarë për krijuesit që bëjnë video si në TikTok - Business Magazine Albania

YouTube do të paguajë 100 milionë dollarë për krijuesit që bëjnë video si në TikTok

YouTube njoftoi të martën një fond prej 100 milionë dollarësh për të paguar krijuesit më të njohur në platformën konkurrente të tij, TikTok.

-“Fondi i Shorts (video të shkurtra) është vetëm hapi i parë në udhëtimin tonë për të ndërtuar një model afatgjatë të fitimit të parave për Shorts në YouTube”,- tha kompania në një postim në blog. YouTube shtoi që investimi do të nisë në muajt e ardhshëm.

Kjo nismë vjen si një përgjigje e YouTube për konkurrentët e mediave sociale si TikTok, Snap dhe Instagram’s Reels, në përpjekje për të rritur përdoruesit dhe bazën e krijuesve të tij për produktin video me formë të shkurtër. YouTube është ndër të fundit që vëndos një fond krijues të caktuar për të tërhequr influencuesit në platformën e tij.

Në raportin e fitimeve të tremujorit të parë, Google tha që YouTube siguroi 6.01 miliardë dollarë të ardhura nga reklamat gjatë tremujorit. Kjo është një rritje gati 50% në bazë vjetore nga 4 miliardë dollarë.

Lexo: Videot Virale në TikTok po ndihmojnë bizneset e vogla të kenë sukses

CEO i Alphabet, Sundar Pichai, tha se Shorts po grumbullojnë 6.5 miliardë shikime ditore në të gjithë botën. Kompania nuk pranoi të publikonte statistikat më të fundit për bazat globale dhe të përdoruesve të Sh.B.A. YouTube lançoi Shorts për të gjithë përdoruesit e SH.B.A.-së në fillim të këtij muaji.

Kompania tha se do të shpërndajë fondin e krijuesve prej 100 milionë dollarë duke filluar nga muajt e ardhshëm dhe deri në vitin 2022.

Çdokush ka të drejtë të marrë pjesë në fond duke krijuar Shorts “unike” që “kënaqin komunitetin e YouTube”, sipas postimit të blogut. Youtube tha se do të kontaktojë me mijëra krijues, të cilët marrin më shumë angazhim dhe shikime çdo muaj. Do t’u kërkojë atyre të ndajnë edhe reagime mbi platformën.

Një zëdhënës i kompanisë nuk pranoi të ndajë detaje se sa mund të fitojnë krijuesit, ose metrikat që do të përcaktojnë se kush paguhet duke thënë që kompania do të japë më shumë informacion në muajt e ardhshëm.

YouTube tha se krijuesit e kualifikuar nuk ka nevojë të jenë pjesë e Programit të tij të Partnerëve, programi ekzistues, i cili lejon krijuesit të fitojnë para nga videot e tyre në YouTube.

CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0