Youth Talks #9 me Aneida Bajraktari - Business Magazine Albania

Youth Talks #9 me Aneida Bajraktari


Ditën e djeshme në ambjentet e EasyPay u organizua Youth Talks #9 me të ftuar speciale Aneida Bajraktari nën moderimin e Mateo Prifti.

Aneida tregoi për jetën e saj, rrugëtimin që ndoqi deri në krijimin e sipërmarrjes Balkans Capital, në Korrik të vitit 2016. Balkans Capital është e specializuar në ofrimin e shërbimeve financiare për biznese dhe organizata vendase e të huaja.

Ishte viti 2012 kur u organizua për herë të parë në Shqipëri, Startup Weekend Tirana, kompeticion në të cilin Aneida mori pjesë me idenë e saj në fushën e modës. Por siç na tregon, kjo ide u shua me kalimin e kohës.

Një vit më vonë, Aneida rikthehet sërish në Startup Weekend Tirana, këtë herë jo si pjesëmarrëse, por si organizatore së bashku me Ergest Nako.

Të rinjtë shqiptarë janë shumë entuziastë, kanë ide të ndryshme dhe angazhohen shumë në këto lloj kompeticionesh. Shqipëria ka shumë probleme, por në të njëjtën kohë ky është një avantazh sepse ka shumë mundësi.

Aneida është bashkë-themeluese e Balkans Capital dhe u shpreh se çelësi i suksesit të një sipërmarrje është që bashkë-themeluesit duhet të ndajnë të njëjtin vizion, duhet të kenë të njëjtin mision dhe objektiva.

“E rëndësishme gjithashtu është vendosja e deadline-ve për detyra të caktuara,” tha Aneida.

“Për të rritur sipërmarrjen, dua të fokusohemi në teknologjitë e reja si Fintech apo Blockchain, pasi ato janë e ardhmja.”

Së fundi, ajo theksoi se ruajtja e ekulibrit midis familjes, punës, shoqërisë dhe udhëtimeve është shumë e rëndësishme pasi për të mbështetja më e madhe vjen nga njerëzit më të dashur.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0