Wizz Air sjell avionin e 6-të në TIA: Nisin fluturimet direkte drejt 4 destinacioneve të reja në Europë - Business Magazine Albania

Wizz Air sjell avionin e 6-të në TIA: Nisin fluturimet direkte drejt 4 destinacioneve të reja në Europë

fluturimet direkte

Wizz Air, linja ajrore me rritjen më të shpejtë në Europë, ka njoftuar vendosjen e avionit të 6-të në bazën e saj në Tiranë. Avioni i ri do t’i bashkohet flotës së Wizz Air me bazë në Tirana International Airport (TIA), duke mundësuar fillimin e fluturimeve direkte nga TIA drejt Liverpulit (Mbretëria e Bashkuar), Madridit (Spanjë), Billundit (Danimarkë) dhe Oslo Sandefjord Torp (Norvegji), si edhe shtimin e frekuencave të destinacioneve ekzistuese të linjës ajrore: Ankona, Verona, Luton, Bruksel, Paris, Berlin, Hamburg, Memingem.

Flota e Wizz Air me 6 avionë dhe me 4 destinacione shtesë duke filluar nga muaji Dhjetor 2021 do të vazhdojë të operojë me tarifa të ulëta që lidhin Shqipërinë me pjesën tjetër të Europës. Wizz Air e lidh tashmë Tiranën me 34 destinacione të Europës.

Robert Carey, President i Wizz Air Group tha: “Kam kënaqësinë të njoftoj zgjerimin e mëtejshëm të rrjetit të Wizz Air në Shqipëri duke shtuar avionin e gjashtë në bazën tonë në Tiranë. Me këtë njoftim ne po shtojmë katër destinacione të reja emocionuese nga Tirana drejt Liverpulit në Mbretërinë e Bashkuar, Madridit në Spanjë, Billundit në Danimarkë dhe Oslo Sandefjord Torp në Norvegji. Ne jemi të bindur se tarifat e ulëta të Wizz Air dhe rrjeti i shkëlqyeshëm i destinacioneve do ta bëjnë udhëtimin të përballueshëm edhe për më shumë pasagjerë. Avionët tanë modernë, si dhe masat tona të shtuara mbrojtëse, do të sigurojnë kushtet më të mira të mundshme shëndetësore për udhëtarët ndërsa operojmë me gjurmën më të ulët mjedisore. Ne mezi presim të mirëpresim udhëtarët në bord me një shërbim të shkëlqyeshëm.”

Wizz Air njoftoi hapjen e bazës së saj në Tiranë në vitin 2020, duke vendosur 3 avionë, dhe më 11 Mars 2021 solli avionin e katërt dhe më pas avionin e pestë, edhe pse në kushte kufizuese të udhëtimeve për shkak të pandemisë. Historia e Wizz Air në Shqipëri daton para katër viteve ku fluturimi i parë u ul në Prill të vitit 2017 nga Budapesti.

Lexoni: GullivAir, linja ajrore, nis fluturimet Bullgari – Tiranë. 6 Gushti data për fluturimin e parë për qytetarët

Aeroporti Ndërkombëtar i Tiranës po arrin një numër të madh pasagjerësh dhe rritja po vazhdon edhe në kohët e vështira të pandemisë. Nga Janari 2021 deri në Korrik 2021, numri i pasagjerëve që udhëtojnë përmes Aeroportit Ndërkombëtar të Tiranës është 1,177,963 dhe numri i Lëvizjes së Trafikut Ajror (ATM) është 5,779. Në korrik, numri i pasagjerëve arriti numrin më të lartë në krahasim me vitin 2019, një vit para kufizimeve të udhëtimit për shkak të COVID-19, duke shënuar 422,483 pasagjerë në TIA, ose një rritje prej 10 përqind më shumë në krahasim me muajin Korrik 2019.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0