WhatsApp rrezikon të gjobitet për shkeljen e rregullave të privatësisë

WhatsApp, shërbimi i mesazheve në pronësi të Facebook, mund të gjobitet deri në 50 milionë euro për shkelje të rregullave mbi mbrojtjen e të dhënave të Bashkimit Europian. Aplikacioni akuzohet se nuk ka dhënë informacione të përshtatshme te klientët mbi ndarjen e të dhënave me Facebook. Sipas ANSA-s, javën e ardhshme komiteti i privatësisë së BE (EDPB) duhet të diskutojë çështjen gjatë seancës plenare me përfaqësuesit e autoriteteve kombëtare të mbrojtjes së të dhënave.

Sanksioni paraprak, për të cilin po diskutojnë ende agjencitë e ndryshme të privatësisë së BE-së, mund të përfaqësojë një nga më të lartit e vendosur ndonjëherë nën Rregulloren e Mbrojtjes së të Dhënave të BE-së (GDPR), në fuqi që nga viti 2018.

LEXO: Polemikat për WhatsApp dhe frika për privatësinë e të dhënave

WhatsApp mund të gjobitet nga 30 deri në 50 milionë euro për mosrespektimin e plotë të kërkesave të transparencës të përcaktuara nga GDPR. Përveç kësaj, autoritetet për mbrojtjen e privatësisë mund të kërkojnë që WhatsApp të ndryshojë mënyrën se si i trajton të dhënat e përdoruesit për të qenë më transparent.

ANSA

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0