Warren Buffett këshillon studentët të mirëpresin emigrantët ndërkohë që Trump i ndalon ata - Business Magazine Albania

Warren Buffett këshillon studentët të mirëpresin emigrantët ndërkohë që Trump i ndalon ata


Ishte një moment ironik. Të premten, presidenti Donald Trump nënshkroi një urdhër ekzekutiv ku ndalonte emigrantët dhe refugjatët nga shtatë vende – Iran, Irak, Libi, Somali, Sudan, Siri dhe Jemen – për të hyrë në Shtetet e Bashkuara. Mes efekteve të tjera, ndalimi ka krijuar kaos në aeroportet kombëtare, ku vizitorët dhe refugjatët nga vendet e prekura, që mbanin viza apo Green Card, të cilat deri në atë moment u jepnin atyre status ligjor, zbarkuan nga aeroplanët e tyre në një vend që ata nuk ishin të lejuar të hynin.

Ndërkohë, disa qindra milje larg nga Shtëpia e Bardhë, Warren Buffett dhe Bill Gates u adresonin studentëve të Universitetit Columbia një sërë tematikash që përfshinin dhe emigracionin. Edhe pse as ai dhe as publiku nuk ishin në dijeni të rendit të ri ekzekutiv të Trump, Buffett shpjegoi se pse ai është pro-emigracionit. “E pra, emigracioni, ky vend është ndërtuar mbi të. Ky vend është i bekuar nga emigrantët,” shtoi ai më vonë. “Dhe ju mund t’i merrni ata nga çdo vend që dëshironi dhe pikërisht ata kanë ardhur këtu dhe kanë gjetur potencialin për të zgjidhur diçka që vendi i tyre nuk e ka lënë ta bëjë dhe ne jemi produkt i saj.”

Vetëm të krishterët lejohen

Urdhëri ekzekutiv i Trump ka një përjashtim, duke lejuar hyrjen vetëm për emigrantët e krishterë nga vendet e palejuara. Pra, është i vlefshëm përsëritja e shembullit të preferuar të Buffet të efektit që kanë pasur emigrantët në SHBA, të cilin ai e ndau me studentët e Columbia: “Nëse ju mendoni rreth saj,” tha ai, “ne jemi ulur këtu, pjesërisht, për shkak se dy emigrantë hebrenj, të cilët në vitin 1939 në gusht nënshkruan letrën ndoshta më të rëndësishme në historinë e Shteteve të Bashkuara.” Letra në fjalë ishte nga Albert Einstein dhe Leo Szilard. Ajo paralajmëroi presidentin Franklin D. Roosevelt se Gjermania po përpiqej të ndërtonte një bombë atomike dhe i rekomandoi qeverisë së SHBA-së për të punuar në zhvillimin e aftësive bërthamore. “Po të mos kishte qenë për këto dy emigrantë, ku i dihet ne nuk do të ishim të ulur në këtë dhomë,” tha Buffett.

Buffett, sigurisht, nuk është i vetëm në kundërshtimin ndaj politikave të anti-emigracionit të Trump. CEO i Apple Tim Cook, CEO i Facebook Mark Zuckerberg, CEO i Microsoft Satya Nadella dhe CEO i Google Sundar Pichai shprehën gjithashtu kundërshtimin ndaj ndalimit, duke paralajmëruar se kjo do të ndikojë negativisht në operacionet e kompanive të tyre. Microsoft ndërmori hapin për të paralajmëruar investitorët zyrtarisht se ndalimi mund të ndikojë në performancën e saj financiare, sepse kjo do t’i krijojë vështirësi personelit. Ndërkohë, Google u bëri thirrje punonjësve që udhëtojnë nga vendet e prekura me Green Card apo viza H-1B të kthehen menjëherë në SHBA dhe ata që tashmë janë në SHBA të mos largohen nga vendi.

Pasi protestuesit u mblodhën në JFK dhe aeroporte të tjera, të paktën dy gjyqtarë federalë, një në Bruklin dhe një në Uashington, kanë lëshuar urdhra bllokimi për deportimin e emigrantëve, të cilët kanë marrë në mënyrë të ligjshme viza apo Green Card. Shumë emigrantë janë ndaluar për orë të tëra nga zyrtarët, të cilët nuk janë të sigurt se çfarë të bëjnë me ta, ndërsa ndalimi përballet me sfida ligjore. Çfarë do ndodhi tjetër është thjesht hamendësimi i çdokujt, por tani për tani, ata që kanë lindur në vendet e prekura, të cilët nuk e kanë tashmë shtetësinë e plotë të SHBA qëndrojnë në ankth për të nesërmen.

burimi: INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0