Volvo drejt një të ardhme me zero përplasje - Business Magazine Albania

Volvo drejt një të ardhme me zero përplasje

Makina juaj Volvo do të kuptojë kur ju nuk jeni në gjendjen më të mirë dhe do të ndërhyjë kur ju të keni nevojë. Njerëzit mund të jenë të shpërqëndruar, të stresuar, të përgjumur ose në gjendje të tjera të cilat ndikojnë drejtimin tuaj. Dhe kur njerëzit nuk janë në gjendjen më të mirë tyren, ato mund të kenë nevojë për ndihmë.

Për të arritur vizionin drejt një të ardhmje me zero përplasje, Volvo po studion të gjitha shkaqet që mund të çojnë në një aksident. Tradicionalisht, kompania është fokusuar në përmirësimin e makinave në mënyrë që ato të kuptojnë më mirë se çfarë po ndodh rreth tyre për të mbrojtur njerëzit brenda në kabinë.

Mirëpo për të gjetur mënyra të reja se si të mbrojë njerëzit, Volvo duhet të shikojë më tej – duhet të përmirësojë makinën për të kuptuar gjendjen e drejtuesit.

Kjo është arsyeja se përse po prezantohet një sistem që kupton gjendjen e drejtuesit si standard në EX90, e cila do të prezantohet në 9 nëntor 2022. Ky sistem ndijor i brendshëm në kohë reale drejtohet nga një koncept i drejtpërdrejtë: nëse Volvo mund të kuptojë se kur drejtuesi është në një gjendje që nuk është optimale për drejtimin e makinës, atëherë makina mund të sigurohet që të ndërmarrë veprimet e duhura për të parandaluar aksidentet.

Ky sistem do të debutojë në EX90 dhe do të përfshijë grupin më modern të sensorëve të jashtëm.

“Studimi ynë tregon se thjesht duke mbikëqyrur drejtimin e shikimit të drejtuesit dhe se për sa kohë sytë e tyre qëndrojnë të mbyllur, mund të kuptohet shumë mbi gjendjen e drejtuesit.” tha Emma Tivesten, Eksperte e Lartë Teknike, Volvo Cars Safety Center.

Lexo: Volvo & Epic Games sjellin teknologjinë e vizualizimit real në gjeneratën e re të makinave falë Unreal Engine

“Duke bazuar përllogaritjet në zbulimet nga studimi, sistemi ndijor lejon që makinat tona të identifikojnë në qoftë se aftësitë e drejtuesit janë dëmtuar, ndoshta nga përgjumja, shpërqëndrimi apo shkaqe të tjera për mospërqëndrimin duke ofruar asistencë ekstra që i përshtatet më mirë situatës.”

Duke përdorur teknologjinë e patentuar për mbikëqyrje në kohë reale të lëvizjes së syve dhe sjelljes në timon, makina do të jetë në gjendje të marrë vendime të duhura për të ndihmuar drejtuesin kur ai ka nevojë. Asistenca mund të nisë me një sinjal të thjeshtë që rrit volumin në varësi të situatës. Nëse drejtuesi nuk përgjigjet ndaj këtyre alarmeve, makina mundet dhe që të ndalojë në anësi të rrugës, duke lajmëruar dhe drejtuesit e tjerë përmes dritave të rrezikut.

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0