Vodafone po largohet nga teknologjia Huawei. Anglia ndërmerr nismën e para - Business Magazine Albania

Vodafone po largohet nga teknologjia Huawei. Anglia ndërmerr nismën e para


Vodafone po heq pajisjet Huawei në pjesë të rëndësishme të rrjetit të tij celular nëpër Evropë. Kjo është një lëvizje që do të kushtojë rreth 200 milionë euro gjatë 5 viteve të ardhshme.

Grupi, i cili ka 111 milionë klientë në të gjithë Evropën, ka marrë vendimin pas lëvizjes së qeverisë së Mbretërisë së Bashkuar javën e kaluar, për të kufizuar përdorimin e pajisjeve Huawei në rrjetin 5G të vendit.

Nick Read, shefi ekzekutiv i Vodafone, tha se programi i zëvendësimit të pajisjeve Huawei do të kishte “ndikim shumë të kufizuar financiar” në operacionet e kompanisë në Mbretërinë e Bashkuar, pasi ato tashmë ishin kryesisht në përputhje me masat e reja të qeverisë.

Sidoqoftë, ai paralajmëroi që nëse kombet evropiane do të vendosnin të njëjtin kufi prej 35% të Britanisë së Madhe për pajisjet Huawei në pjesë jo thelbësore të rrjeteve mobile, mund të vonojë pajisjen me 5G nga dy deri në pesë vjet. Në Mbretërinë e Bashkuar, është ndaluar përdorimi i këtyre pajisjeve në pjesë të rëndësishme të rrjetit mobile 5G, ku përpunohen të dhënat dhe lokacione të tilla si vendet bërthamore dhe bazat ushtarake.

Read tha që asnjë vend evropian nuk ka bërë të ditur në këtë fazë nisjen e masave shtrënguese. Por, nisur nga fakti që Britania e Madhe e ka bërë tashmë këtë, Vodafone ka zgjedhur ta bëjë të qartë pozicionin e saj mbi ndikimin e mundshëm.

“Ne duhet të përdorur 5G për të mbështetur një peizazh konkurrues në një shoqëri dixhitale. SHBA dhe Kina janë të avancuara në këtë garë.  Nuk mund të ndalojmë vendosjen e 5G dhe masat shtrënguese do të ishin kufizuese mbi atë bazë”, tha ai.

Të mërkurën, Nicky Morgan, sekretari i kulturës, tha se Britania mund të punojë me aleatët e saj për të prezantuar një tjetër ofrues të pajisjeve në tregun e Mbretërisë së Bashkuar. Në mungesë të teknologjisë Huawei për rrjetin 5G, operatorët kanë mbetur vetëm me dy furnizues të mëdhenj alternativë: Nokia dhe Ericsson.

The Guardian

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0