Vodafone blen ABCom


Vodafone Albania, kompania më e madhe telefonisë celulare në vend është shtrirë tashmë edhe në shërbimin e internetit fiks. Ajo ka blerë aksionet e kompanisë ABCom.

Burimet zyrtare të Vodafone, pranojnë se është realizuar marrëveshja dypalëshe, ndërsa pritet miratimi i marrëveshjes para se të hyjë në fuqi, nga autoritetet e rregullimit të tregut, AKEP dhe Autoriteti i Konkurrencës.

Abonentët e ABCom do të jenë abonentë të rrjetit fiks, por me kontratata të Vodafone dhe me logon e kësaj të fundit.

Krahas sistemit bankar edhe në tregun e telefonisë, shitblerjet e kompanive janë rritur së fundi.

Tregu i telefonisë ka shënuar rritje vitet e fundit dhe Vodafone është pozicionuar fort në treg edhe pas daljes nga tregu të kompanisë PLUS.

Sipas të dhënave të Autoritetit të Komunikimeve Elektronike dhe postare, me një rritje gati 8% të xhiros vitin e fundit, pesha e Vodafone në fushën e telefonisë ka arritur gati 50%, duke bërë që dy operatorët e mëdhenj, Albtelecom dhe Telekom të ndajnë gjysmën tjetër të tregut.

Vete kompania Vodafone bën të ditur se në ditët në vijim do të shpërndajë një njoftim për shtyp për më shumë detaje.

Lexo: Plus Communication largohet nga tregu i telefonisë mobile

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale