Jeff Bezos përfundon me sukses aventurën në hapësirë në bordin e anijes së kompanisë së tij private Blue Origin. Kjo është hera e parë që Blue Origin sjell njerëz në Tokë dhe Bezos bëhet padyshim i pari miliarder që udhëton në hapësirë.
Themeluesi i Amazon – së bashku me vëllain e tij Mark, pionieren e aviacionit Wally Funk dhe 18-vjeçarin Oliver Daemen, babai i të cilit bleu biletën e tij – la Tokën në bordin e raketës New Shepherd përpara se të udhëtonte përsëri në Tokë. Funk bëhet në këtë mënyrë personi më i vjetër që ka udhëtuar në hapësirë, dhe Z. Daeman është personi më i ri ndonjëherë.
New Shepard, ndërtuar nga kompania e Bezos, Blue Origin, është krijuar për t’i shërbyer tregut në zhvillim e sipër për turizmin hapësinor. Misioni, i quajtur NS-16, shënon herën e parë që “Blue Origin” dërgon njerëzit në hapësirë.
“Ta shohësh Tokën nga hapësira, është një gjë që ju ndryshon. Ju ndryshon marrëdhënien tuaj me këtë planet, me njerëzimin”, tha Bezos për kanalin televiziv CBS.
Fluturimi vjen tetë ditë pasi miliarderi britanik Richard Branson shkoi në hapësirë për një fluturim të shkurtër. Por ndryshe nga raketa Branson, e cila kërkonte dy pilotë, raketa më të cilën udhëtoi Bezos është tërësisht e automatizuar. Deri më tani ka ndërmarrë 15 fluturime, por fluturimi i së martës është i pari me një ekuipazh njerëzor.
Duke folur për NBC News të hënën, Bezos hodhi poshtë çdo xhelozi ndaj Branson për faktin se ai kishte udhëtuar në hapësirë para tij, duke thënë: “Ju e dini që ka një person që ishte personi i parë në hapësirë. Emri i tij ishte Yuri Gagarin dhe kjo ndodhi shumë kohë më parë. Pra, nuk bëhet fjalë për një konkurs. Kjo ka të bëjë me ndërtimin e një rruge në hapësirë në mënyrë që brezat e ardhshëm të arrijnë të bëjnë gjëra të pabesueshme në hapësirë,” shtoi ai. Ai zgjodhi 52 vjetorin për udhëtimin e tij të parë në hapësirë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
