Gazetari Daniel Verlaan i televizionit holandez RTL nuk preferoi që të priste si kolegët e tjerë përfundimin e mbledhjes online e mbyllur për mediat të ministrave të Mbrojtjes evropiane por ka arritur të futet pa leje në linje duke befasuar Josepf Borrell. Shefi i diplomacisë evropiane u çudit nga sjellja e atij që duhej të ishte ministri holandez i mbrojtjes por gazetari u vetëprezantua. Ai ka arritur të futet falë informacioneve të publikuara në llogarinë e Ministrisë së Mbrojtjes së Holandës në Twitter.
Në ekranin e madh të videokonferencës gazetari Verlaan si fillim rregullon flokët dhe më pas duke buzëqeshur i përshëndet ministrat me dorë. Sakaq, edhe shefi i Politikës së Jashtme të BE Josep Borrell, ka buzëqeshur, por më pas e ka vënë atë në dijeni se ishte futur në një konferencë sekrete dhe mund të arrestohej.
“A e di se je futur në një konferencë sekrete. E dini që është vepër penale, hë? Më mirë dilni nga konferenca, përpara se të vijë policia”- i ka thënë Borrell, duke qeshur.
“Po, po. Më vjen keq. Unë jam gazetar nga Holanda. Më vjen keq që ju pengova në konferencën tuaj”, ia ktheu gazetari.
Bëhet e ditur se Verlaan kishte arritur të siguronte akses për takimin sepse llogaria në Twitter e Ministrit Ank Bijleveld përmbante shkurtimisht një foto me adresën e hyrjes dhe një pjesë të kodit PIN. Pas disa përpjekjesh, RTL Nieuws gazetari arriti të hamendësonte kodin PIN të mbledhjes sekrete, sepse pesë nga gjashtë shifrat e kodit pin ishin të dukshme në Twitter-in e ministrit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
