Video e Zuckerberg tregon sa e vështirë është të përballesh me fake news

Video e Zuckerberg tregon sa e vështirë është të përballesh me fake news


Një video e transformuar e Mark Zuckerberg po qarkullon në të gjitha rrjetet sociale.

Video portretizon Zuckerberg duke pohuar, “Imagjinoni për një sekondë:  Një njeri, me kontroll të plotë mbi të dhënat e vjedhura të miliarda personave, të gjitha sekretet e tyre, jetët, të ardhmet e tyre”.

“Do doja t’ju thoja se misioni ynë në jetë është të lidhim njerëzit, por nuk është. Ne duam vetëm të parashikojnë sjelljet e tua të ardhshme. Spectre më tregoi se si t’ju manipuloj dhe të ndaj të dhëna personale për veten dhe të gjithë të dashurit e tu. Sa më shumë të shprehesh në rrjetet tona sociale, aq më shumë ne të zotërojmë ty”, thotë Zuckerberg në videon e manipuluar.

Video është realizuar me pamjet e një video të vitit 2017 duke përdorur inteligjencën artificiale, e njohur si teknologjia deepfake, për të manipuluar fytyrën e Zuckerberg, duke thënë diçka që në të vërtetë nuk e ka thënë. Zëri i Zuckerberg është përshtatur nga një aktor.

Realizimi i saj është bërë nga një startup izraelit i quajtur Canny AI. Video të tilla qarkullojnë dhe për Donald Trump e Kim Kardashian. Këto video kanë për qëllim të tregojnë se si teknologjia mund të përdoret për të manipuluar të dhënat.

Teknologjia po avancon, por jo detyrimisht në favorin tonë. Problemi që shtrohet është lejimi i këtyre videove në të gjitha platformat dixhitale. Shumë imazhe personash mund të përdoren për të thënë atë që nuk kanë thënë.  Kjo bëhet fare lehtë në website të ndryshme me 10-20 dollarë. Dhe sigurisht që njerëzit kanë tendencën të besojnë variantin negativ, sidomos në politikë.

Duhet kohë që video të tilla të studiohen për vërtetësinë e tyre, por fatkeqsisht gjatë kësaj kohe miliona njerëz mund të jenë duke e parë. Dëmi mund të jetë bërë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0