Vetëm një email apo postim mund t'ju mbajë larg suksesit - Business Magazine Albania

Vetëm një email apo postim mund t’ju mbajë larg suksesit


Një postim i thjeshtë në Twitter doli të ishte miliarda-dollarësh.

Më 5 janar 2010, Ryan Graves dërgoi një tweet tek bashkë-themeluesi i Uber Travis Kalanick duke sugjeruar veten si një punonjës potencial për kompaninë Uber, e cila në atë kohë ishte vetëm një startup.

Graves, i cili atëherë ishte duke punuar si një lider në një program menaxhimi në General Electric,  e fitoi vendin e punës.

Më 1 mars 2010, ai u bë punonjësi i parë në Uber falë atij postimi në Twitter.

“Isha duke kërkuar kandidatin e duhur”, shkroi Kalanick ( Ceo i Uber) në një postim blogu për ditët e para të Uberit. “Ajo që rezultoi ishte aplikimi më interesant për punë që kam parë ndonjëherë”.

Tani sigurisht, Uber është një kompani multi-miliardere. Ajo vlen më shumë se 75 miliardë dollarë.

Për shkak të aksioneve të tij në kompani, Graves, 35 vjeç, është një njeri shumë i pasur, me një pasuri që e kalon vlerën 1 miliard dollarë, sipas Forbes.

Kalanick (me pasuri mbi 5 miliard dollarë, sipas Forbes) ka thënë se Graves, “filloi punën e palodhshme”, pasi u punësua në Uber. “Që nga dita e parë e punës, ne kaluam rreth 15-20 orë në javë duke punuar së bashku, duke analizuar produktin, modelin e çmimeve, gjithçka.

Ai e mësoi lojën e biznesit shumë shpejt dhe punoi shumë për të ndërtuar ekipin e Uberit dhe për të arritur një sukses të jashtëzakonshëm”, shkruan Kalanick në postimin e 2010-s.

Edhe pse Graves dha dorëheqje në vitin 2017 për shkak të disa polemikave brenda kompanisë”, ai ende është pjesë e bordit të drejtuesve të Uber. Tani jeton me familjen e tij në Hawaii, sipas Forbes, dhe drejton firmën e tij të investimeve, Saltwater.

Ndonëse tweet-i i Graves mund të tingëllojë si një përrallë e Silicon Valley, nuk është krejtësisht unike. Adam Lyons ishte themeluesi 25-vjeçar i startup-it të sigurimit të makinave, Zebra, kur një ditë i dërgoi një email miliarderit Mark Cuban dhe përfundoi duke marrë një investim prej tij.

Gjithashtu, Elon Musk kohët e fundit i sugjeroi një përdoruesi në Reddit “një intervistë për punë në kompaninë Tesla”, për analizën që ai përdorues kishte bërë për makinat autonome Tesla.

Dhe nuk është vetëm Silicon Valley, vendi ku ndodhin mrekullira të tilla: Hafthor Bjornsson, një aktor yll në serialin “Game of Thrones”, fitoi një provë për rolin e tij vetëm nëpërmjet një mesazhi në Facebook.

Edhe më interesant është fakti që edhe tek ne në trojet shqiptare që moti ka filluar të ekzistojë komunikimi i ndërsjellë. Unë personalisht kam filluar bashkëpunimin me BusinessMag, vetëm nëpërmjet një emaili të thjeshtë.

Prandaj, në botën e sotme dinamike, asnjëherë nuk dihet se ku mund të të çojë një mesazh i vetëm. Kështu që, nëse ke një ide të mirë që dëshiron ta ndash me të tjerët, mos hezito, provoje fatin!

/CNBC.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0