Vendet e G20 pësojnë rënie ekonomike, përveç Kinës

rënie ekonomike

Ekonomitë e G20-ës pësuan rënie të Prodhimit të Brendshëm Bruto në tremujorin e dytë të vitit 2020, sipas Organizatës për Bashkëpunim Ekonomik dhe Zhvillim (OECD).

OECD tha se për zonën e G20 si një e tërë, PBB ra me një rekord 6.9%, rënie më e madhe se 1.6% e regjistruar në tremujorin e parë të 2009-ës, në kulmin e krizës financiare.

“Kina ishte i vetmi vend i G20-ës që paraqiti rritje me 11.5% në tremujorin e dytë të vitit 2020, duke reflektuar fillimin e hershëm të pandemisë në këtë vend dhe rimëkëmbjen pasuese”– vuri në dukje organizata. PBB ra më dramatikisht me 25.2% në Indi, e ndjekur nga Britania e Madhe me 20.4%, ndërsa tkurrja ishte më pak e theksuar në Korenë e Jugut dhe në Rusi, me 3.2% në të dy vendet.

Lexoni: YouTube lançon Shorts, rivalin e TikTok për video të shkurtra

Në tre mujorin e dytë, Gjermania, ekonomia më e madhe e Evropës, është tkurrur me 9.7%, ekonomia e Kanadasë me 11.5% dhe ekonomia e Britanisë 20.4%. Ndërkohë, PBB nga viti në vit në zonën e G20-ës ra me 9.1% në tremujorin e dytë të vitit 2020, pas një tkurrjeje prej 1.7% në tremujorin e mëparshëm.

Midis ekonomive të G20-ës, Kina regjistroi rritjen më të lartë vjetore (3.2%), ndërsa India regjistroi rënien më të madhe vjetore (minus 23.5%).

Anadolu Agency

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale